ملير: پاپولر گروپ آف انڊسٽري جي ذيلي اداري پاپولر فيبريڪس پاران ڪلفٽن ٽيپ بال پريميئر ليگ ٽيم پاران ٻيون ڀيرو ٽوربامنٽ کٽڻ جي خوشي ۾ تقريب

تقريب ۾ ايم ڊي ڊاڪٽر شهباز علي ملڪ ۽ ڊائريڪٽر شهوال ملڪ مهمان خصوصي طور شرڪت ڪئي

ملير: نجي ڪمپني پاپولر گروپ آف انڊسٽري جي ذيلي اداري پاپولر فيبريڪس پاران ڪلفٽن ٽيپ بال پريميئر ليگ ٽيم پاران ٻيون ڀيرو ٽوربامنٽ کٽڻ جي خوشي ۾ رنگا رنگ تقريب منقعد ڪئي وئي، تقريب ۾ ايم ڊي ڊاڪٽر شهباز علي ملڪ ۽ ڊائريڪٽر شهوال ملڪ مهمان خصوصي طور شرڪت ڪئي، ڪراچي ٽيپ بال پريميئر ليگ ۾ ٻيو ڀيرو کٽيل ٽرافي کي عوام آڏو آندو ويو، ان موقعي تي ايم ڊي ڊاڪٽر شهباز علي ملڪ چيو ته پاپولر گروپ جي ٽيم مسلسل ٻيو ڀيرو شاندار ڪاميابي ماڻي آهي، انشاءَالله اڳتي به ٽيمن وچ ۾ اهڙا مقابلا ڪرايا ويندا ته جيئن راندين کي هٿي ملي سگهي ، سنڌ جي نوجوانن کي اسپورٽس جون سهولتون هجن ته نوجوان پنهنجي محنت سان مختلف راندين ۾ ملڪ جو نالو روشن ڪري سگهن ٿا. تقريب ۾ نويد مجيد، جاويد زيدي، نويد بيگ، فيضان عشرت، راشد عزيز ۽ نوشاد عالم ۽ پاپولر گروپ جي فيمليز ۽ ميمبرن پڻ شرڪت ڪئي.