مسجدن، امام بارگاهن ۽ عوامي ميڙ جي چوڌاري صفائي جو ڪم جلد مڪمل ڪيو وڃي: محمد يوسف

نيو ڪراچي ٽائون جي قبرستانن ۾ شب برات کان اڳ صفائي جو عمل جاري

ڪراچي (اعجاز چانڊيو) نيو ڪراچي ٽائون جي قبرستانن ۾ شب برات کان اڳ صفائي جو عمل جاري آهي، چيئرمين نيو ڪراچي ٽائون محمد يوسف وائيس چيئرمين شعيب بن ظهير سان گڏ قبرستانن جو دورو ڪيو. ان موقعي تي اسٽينڊنگ ڪميٽي فار سينيٽيشن چيئرمين عمران شفيق، اسٽينڊنگ ڪميٽي فار ايجوڪيشن نيو ڪراچي جي چيئرمين عمران فقير، ايڪسين ايم اين اي نديم حيدر، ايڪسين بي اينڊ آر اشتياق حسين، انچارج بي اينڊ اي فيصل صغير، ايڊيشنل ڊائريڪٽر سينيٽيشن محمد مشتاق خان، ڊپٽي ڊائريڪٽر سينيٽيشن نيو ڪراچي. خالد شيخ، ڊپٽي ڊائريڪٽر سينيٽيشن نارٿ ڪراچي محمد علي، ڊائريڪٽر باغبان آفتاب احمد، آفيسر باغيات جاويد جمال ۽ ٻيا لاڳاپيل آفيسر پڻ موجود هئا. چيئرمين محمد يوسف قبرستانن ۾ کنيل قدمن جو جائزو وٺندي چيو ته شعبان جو مهينو اچڻ سان نيو ڪراچي ٽائون پاران قبرستانن ۾ صفائي جو عمل جاري آهي. هر سال وانگر هن سال به شب برات جي موقعي تي پنهنجن پيارن جي قبرن تي فاتحه خواني ڪرڻ لاءِ ايندڙ زائرين کي ميونسپل سهولتون فراهم ڪرڻ لاءِ سمورا وسيلا ڪتب آڻي رهيا آهيون. هن چيو ته شب برات جي موقعي تي نيو ڪراچي ٽائون ۾ قبرستانن جي صفائي سٿرائي ۽ جھاڙين کي ڪٽڻ سميت روشني جا مناسب انتظام ڪيا پيا وڃن ته جيئن شب برات جي موقعي تي پنهنجن پيارن جي قبرن تي فاتحه خواني ڪرڻ لاءِ ايندڙن کي ڪنهن به قسم جي پريشاني کي منهن ڏيڻو نه پوي. چيئرمين محمد يوسف چيو ته ڪراچي ۾ سنڌ حڪومت ڪم نه ڪري رهي آهي، ساڳي ريت قبرستانن ۾ به ڏوهارين پناهه ورتي آهي، جيڪي زائرين کان قبرستان اندر ڦر لٽ ڪن ٿا. ڪي ايم سي قبرستانن ۾ قبرن جا معاوضو گڏ ڪندي آهي ۽ انهن قبرستانن جي سار سنڀال ۽ مرمت انهن جي ذميواري آهي. ڪراچي جي سمورن قبرستانن جي حالت خراب آهي، مرتضيٰ وهاب فوري طور تي قبرستانن کي محفوظ بڻائڻ لاء انتظام ڪري، واضح رهي ته شعبان جو چنڊ نظر ايندي ئي نيو ڪراچي جي انتظاميا قبرستانن جي صفائي سٿرائي جو ڪم شروع ڪرائي ڇڏيو آھي. نيو ڪراچي ٽائون چيئرمين محمد يوسف پاران قبرستان ڏانهن ويندڙ رستن جي صفائي کي ممڪن بڻائڻ لاءِ عملي قدم کنيا ويا آهن، جن ۾ جھاڙيون. رستن کي بھتر ڪرڻ ۽ لائيٽنگ جا انتظام ڪيا ويا آهن، جيڪي شب برات کان اڳ مڪمل ٿي ويندا. بعد ۾ چيئرمين نيو ڪراچي ٽائون محمد يوسف ۽ وائيس چيئرمين شعيب بن ظهير سيڪٽر فور فائيف سي نارٿ ڪراچي جو دورو ڪيو ۽ اتي موجود سيوريج جي مسئلن جو جائزو ورتو ۽ ايس ايس جي سي لائينن سبب پاڻي ۽ سيوريج جون لائينون متاثر ٿي رهيون آهن، جنهن سبب گهٽيون ۽ روڊ تباهه ٿي ويا آهن. مين گھٽين ۽ رستن تي گندو پاڻي تلاءُ جو ڏيک ڏيڻ لڳو آھي. جنھن سبب شھرين کي اچ وڃ ۾ شديد مشڪلاتون درپيش اچي رھيون آھن. جنھن لاء مين لائينن جي فوري مرمت ۽ تبديل ڪرڻ واري ڪم کي يقيني بڻايو وڃي جڏهن ته علائقي ۾ کليل گٽرن کي رنگ ۽ ڍڪڻ لڳايا وڃن ته جيئن ڪنھن وڏي حادثه کان بچي سگھجي