عمرڪوٽ ۾ سنڌو درياهه مان ڇهه ڪئنال ڪڍڻ خلاف احتجاجي مظاهرو

سنڌ ۾ اڳ ئي پاڻي جي کوٽ آهي، ڇهه ڪئنال سنڌ لاءِ موت ثابت ٿيندو، اهڙو ڪو منصوبو قبول ناهي: اڳواڻ

عمرڪوٽ(رپورٽر) عمرڪوٽ ۾ سنڌو درياھ مان 6 ڪئنال ڪڍڻ خلاف سياسي سماجي اڳواڻ به سراپا احتجاج بڻيل، پ پ ھاري ڪميٽي جي سڏ تي پريس ڪلب آڏو احتجاجي مظاھرو، سخت نعري بازي ڪندي سنڌو درياھ مان ڪئنال ڪڍڻ وارو فيصلو واپس وٺڻ جو مطالبو ڪيو ويو خبر موجب سنڌو درياء مان 6 ڪئنال ڪڍڻ خلاف عمرڪوٽ ۾ پ پ ھاري ڪميٽي جي سڏ تي پريس ڪلب آڏو احتجاجي مظاھرو ڪيو ويو جنھن ۾ پ پ ھاري ڪميٽي جي ضلعي صدر ڪامريڊ واحد بخش سمون، پ پ اڳواڻن گهنشام بجير، عنايت الله پلي، رامچند ڀيل، ليڊيزونگ اڳواڻن آمي ڀيل، گلزاران سمون سميت ٻين سياسي سماجي اڳواڻن وڏي انگ ۾ شرڪت ڪئي احتجاج دوران دانھيندي اڳواڻن چيو ته سنڌ ۾ پاڻي کوٽ گهڻي وقت کان برقرار آهي مٿان وري ارسا ايڪٽ ۾ غيرقانوني ترميمون ڪري سنڌو درياءۡ مان غيرقانوني ڪئنال ڪڍي سنڌ کي سُڪائڻ لاءۡ سازشون ڪيون پيون وڃن سنڌو درياءۡ اسانجو جياپو آهي ان مان ڪئنال ڪڍڻ خلاف مزاحمت تيز ڪري اهو غيرقانوني منصوبو رد ڪرايو ويندو سنڌو درياه تي ٺھندڙ ڪوبه ڪئنال ڪنهن به صورت ۾ قبول ناهي وفاقي سرڪار سنڌو درياءۡ مان 6 غيرقانوني ڪينال ڪڍي سنڌ ڌرتي کي سڪائڻ چاھي ٿي جيڪو عمل انتھائي افسوس ناڪ آھي سنڌو درياء سنڌي قوم جو جياپو آھي سنڌو تي ڪئنال اڏڻ سان سنڌ جي لکين ايڪڙ زرعي زمين غيرآباد ٿي ويندي سنڌ جي زمين آباد نه ٿيندي ته سنڌي قوم معاشي بدحالي جو شڪار ٿي ويندي وفاقي حڪومت کي سنڌو درياءۡ تي ڪئنال اڏڻ جو ڪونه حق ناهي فورن سنڌو درياءۡ تي غيرقانوني ڪئنال اڏڻ وارو فيصلو واپس ورتو وڃي