عمرڪوٽ ۾ سماجي تنظيم اويئر ۽ سي پي ڊي آءِ جي گڏيل سهڪار سان ورڪشاپ منعقد

7مھينا گذرڻ باوجود به بجيٽ اجلاس ۾ رکيل اسڪيمن جو ڪم شروع نه ٿيو آھي: مقرر

عمرڪوٽ(رپورٽ:ڪانجي مل رکيسر) عمرڪوٽ ۾ سماجي تنظيم طرفان ورڪشاپ، شھر جي چونڊيل نمائندن، وڪيلن، سول سوسائيٽي ۽ شھر جي معززين وڏي انگ ۾ شرڪت. خبر موجب عمرڪوٽ ۾ سماجي تنظيم اويئر ۽ سي پي ڊي آئي جي گڏيل سھڪار سان ورڪشاپ ٿي گذريو جنھن ۾ ڊپٽي ڊائريڪٽر لوڪل گورنمينٽ ھريش چندر، ميونسپل ڪميٽي جي ميمبرن رميش ڪمار رتناڻي، نندلال مالهي، عاشق سمون، ڊسٽرڪٽ بار ڪائونسل جي ميمبرن سينيئر ايڊوڪيٽ اظھر آرائين، اعجاز ھاليپوٽو، سماجي اڳواڻ ايڊوڪيٽ محمد بخش ڪنڀار، ايڊوڪيٽ نور محمد نھڙي، عبدالخالق، عوامي تحريڪ جي نوجوان اڳواڻ حليم مڱريو، صحافين غلام مصطفي مھر، سوائي مل، اويئر جي ايگزيڪيوٽو ڊائريڪٽر علي اڪبر راهمون سميت ٻين وڏي انگ ۾ شرڪت ڪئي ۽ اويئر جي ايگزيڪيٽيو ڊائريڪٽر علي اڪبر راھمون پاران پروجيڪٽ جو تفصيلي تعارف ڪرايو جڏھن ته ورڪشاپ دوران ڳالھائيندي ميونسپل ڪميٽي جي ميمبر رميش ڪمار رتناڻي چيو ته 7 مھينا گذرڻ باوجود به بجيٽ اجلاس ۾ رکيل اسڪيمن جو ڪم شروع نه ٿيو آھي اسان کان 40 لک رپين جي اسڪيمن بابت پرپوزل جمع ڪرايا پر اڃا تائين اسان کي ھڪ به اسڪيم ناھي ملي اسان وارڊ مان عوام جي ووٽن جي ذريعي چونڊجي آيا آھيون وارڊ جي عوام جو ڪجھ پاڙن جي گلين جو ڪم پ پ ايم پي اي راڻا ھمير سنگھ طرفان سنڌ حڪومت کان منظور ڪرايل فنڊن مان ٿيو آھي پر ميونسپل ڪميٽي مان چونڊجي اچڻ کانپوء ھن وقت تائين ھڪ به اسڪيم ناھي ملي ايم سي جي پي ٽي آء جي ڪائونسلر نندلال مالھي چيو ته اسان ته اپوزيشن ۾ آھيون حڪومتي ڌر سان لاڳاپيل ڪائونسلر به دانھون ڪن ٿا ميونسپل ڪميٽي جي چيئرمين ۽ سي ايم او ۾ اڻبڻت سبب ميونسپل ڪميٽي جو ڪارونھوار سخت متاثر آھي وڪيل اظھر آرائين چيو ته عوامي مسئلن جي لاء قانوني طور تي مدد ڪرڻ لاء آئون تيار آھيان ڪوبه شھري شھر جي ڪنھن به عوامي مسئلي لاء مون وٽ اچن ته آئون بغير فيس تي به ھنن جي مدد لاء تيار آھيان ان موقعي تي ڊپٽي ڊائريڪٽر لوڪل گورنمينٽ ھريش چندر سنڌ لوڪل گورنمينٽ ايڪٽ 2013 تي تفصيلي ڳالھايو ايڊووڪيٽ محمد بخش ڪنڀار رائيٽ ٽو انفارميشن ايٽ ۽ انھي جي اسٽيپ بائي اسٽيپ مڪينزم تي تفصيلي ڄاڻ ڏني آخر ۾ آيل سڀني معزز مھمان جو اويئر جي نمائندي عابد حسين نھڙي طرفان شڪريو ادا ڪيو ويو