ڊويزنل ڊائريڪٽر انفارميشن ميرپورخاص شهزاد شيخ جي صدارت هيٺ گڏجاڻي

ايڪريڊيٽيشن ڪارڊ لاءِ مليل درخواستن جي مڪمل جاچ ڪرڻ کان بعد صحافين جون درخواستون موڪليون وڃن: شهزاد شيخ

ميرپورخاص (بيورو) ڊويزنل ڊائريڪٽر انفارميشن ميرپورخاص شهزاد شيخ جي صدارت هيٺ ڊويزنل ايڪريڊيٽيشن ڪارڊ اسڪروٽني ڪميٽي جي گڏجاڻي اڄ سندس آفيس ۾ منعقد ٿي ، جنهن ۾ ڪميٽي جي ميمبرن ڊپٽي ڊائريڪٽر انفارميشن ٿرپارڪر سليم احمد جتوئي، ڊپٽي ڊائريڪٽر انفارميشن ميرپورخاص غلام رضا کوسو ضلعي انفارميشن آفيسر عمرڪوٽ محمد اسلم ڀٽي ۽ آفيس اسسٽنٽ عرفان احمد شيخ شرڪت ڪئي. ڊائريڪٽر انفارميشن شهزاد شيخ ضلعي انفارميشن آفيسرن کي هدايت ڪئي ته ايڪريڊيٽيشن ڪارڊ لاءِ مليل درخواستن جي مڪمل جاچ ڪرڻ کان بعد انهن صحافين جون درخواستون موڪليون وڃن. ڊويزنل ڊائريڪٽر ميرپورخاص شهزاد شيخ چيو ته ان ڳالهه کي يقيني بڻايو وڃي ته ايڪريڊيشن ڪارڊ صرف پروفيشنل ۽ حقيقي صحافين کي جاري ڪيا وڃن. هن چيو ته اطلاعات کاتي جي ايڪريڊيٽيشن ڪارڊ بابت نئين پاليسي تحت اهڙيون اخبارون جيڪي صرف سوشل ميڊيا پليٽ فارمن تي موجود آهن. نمائندن، ويب چينلن جي نمائندن ۽ ڪنهن سرڪاري ملازم کي جيڪو پڻ صحافي طور ڪم ڪري ٿو، کي ڪارڊ جاري نه ڪيا ويندا ۽ صرف رجسٽرڊ اخبارن ۽ ٽي وي چينلن جي نمائندن کي سندن لاڳاپيل ادارن طرفان درخواست فارم تي تصديق ٿيڻ بعد ڪارڊ جاري ڪيا ويندا. گڏجاڻي ۾ ٻڌايو ويو ته ايڪريڊيٽيشن ڪارڊ صرف ميڊيا آرگنائيزيشن جي هڪ نمائندي ضلعي رپورٽر کي جاري ڪيو ويندو ، جڏهن ته پروفيشنل جرنلزم ۾ ٻن سالن جو تجربو رکندڙ ايڪريڊيٽيشن ڪارڊ لاءِ درخواست فارم جمع ڪرائڻ جا اهل هوندا. گڏجاڻي ۾ فيصلو ڪيو ويو ته 30 اپريل 2025 کان پوءِ ڪارڊ جاري ڪرڻ لاءِ درخواستون وصول نه ڪيون وينديون