پ پ يوٿ شهيد ڀٽو ضلعي ٺٽي جي گڏجاڻي گھارو ۾ ٿي گذري

گڏجاڻي دوران هڪ مهيني لاءِ آرگنائيزر ڪميٽي جوڙي سٽي گھارو ۽ ساڪرو تعلقي جي آرگنائيزر مقرر ڪيا ويا

ٺٽو(ڊ ر) پ پ پ يوٿ شهيد ڀٽو ضلعي ٺٽي جي گڏجاڻي گھارو شھر ۾ ٿي گذري، جنھن ۾ فيصلو ڪري ھڪ مھيني لاء آرگنائيزر ڪميٽي جوڙي پ پ پ يوٿ شهيد ڀٽو سٽي گھارو ۽ ساڪرو تعلقي جي آرگنائيزر مقرر ڪيا ويا، جن ۾ چيف آرگنائيزر عبدالله ملڪاڻي، قربان شيخ، محبوب علي موڇارو، حسين بخش منگسي، ذوالفقار ڀٽ شامل آھن، جيڪي نيون باڊيون جوڙيندا، جڏھن تہ ان کان اڳ گھارو شھر جي شھيد شاھنواز ڀٽو پارڪ ۾ جھنڊي جي پرچم ڪشائي ڪري جھندو ڦرڪايو ويو، منعقد ٿيل اجلاس توڙي جھنڊي ڦڙڪائڻ واري رسم ۾ پ پ پ شھيد ڀٽو ضلعي ٺٽي جي اڳواڻن ضلعي صدر بابو احسان ڀٽو، ارباب سھيل احمد سمون، پير بخش، خدا بخش سمون، محبوب شاھ، پرويز ساٽي، آڪاش ڀٽو، ارباب جان علي سمون، پپو اقبال ڀٽو، ڊاڪٽر عرفان ڀٽو، حڪيم جوکيو ۽ ٻيا شريڪ ھئا. ان موقعي تي مقرر ٿيل آرگنائيزرن چيو تہ کين جيڪي ذميواريون سونپيون ويون آھن، ان کي بھتر طريقي سان ادا ڪري تنظيم کي وڌيڪ مضبوط بڻايو ويندو. ھنن گھر ڪئي تہ سنڌو درياء تي اڏجندڙ ڇھن ئي ڪئنالن کي ختم ڪري سنڌ کي برباد ۽ ويران ٿيڻ کان بچائي سنڌ کي پنھنجي حصي جو پاڻي مھيا ڪري ملڪ مان بيروزگاري، بدامني جو خاتمو آڻي عوام کي پنھنجا بنيادي حق ڏنا وڃن.