ڪراچي ۾ اجمير نگر پوليس تي 2 لک نه ڏيڻ تان نوجوان کي هاف فراءِ ڪرڻ جو الزام

views | 17th Jan 2025 • سنڌي خبرون

13 جنوري تي اورنگزيب گهر ڏانهن آيو ته پوليس کيس گرفتار ڪيو، آزادي لاء 2 لک گهري ورتا: وارث

ڪراچي ۾ اجمير نگر پوليس تي 2 لک نه ڏيڻ تان نوجوان کي هاف فراءِ ڪرڻ جو الزام

ڪراچي (اعجاز چانڊيو)2 لک رشوت نه ڏيڻ تي اجميرنگري پوليس مزدوري ڪندڙ نوجوان اورنگزيب کي هاف فرائي ڪري ڇڏيو واقعي خلاف وارثن عدالت ۾ پٽيشن داخل ڪرائيندي شفاف نموني جاچ جو مطالبو ڪيو آهي نوجوان جي ڀاء دلبر علي پٽ محمد صالح ڪراچي جي شهباز ڳوٺ ۾ وڪيل ساجد رضا رند سان گڏ پريس ڪانفرنس ڪندي چيو ته 13 جنوري 2025ع تي پورهيت اورنگزيب مزدوري ڪري دوست سميت گهر ڏانهن واپس اچي رھيو ته اجمير نگري پوليس کين روڪي ورتو ۽ ٻنھي نوجوانن کي پوليس ٿاڻي کڻي وئي جٿي پوليس نوجوانن کي چيو ته اوهان تي ايف آئي آر آهي اها ڪليئر ڪرايو سندس ڀاء ٻڌايو ته ساڳي رات ٿاڻي تان فون آئي ۽ مون کي گهرايو ويو ته اسان پنهنجي وڪيل سان گڏ 15جنوري تي رات جي 9 وڳي کان 12 وڳي تائين اتي موجود هئاسين منهنجي اورنگزيب سان ملاقات به ڪرائي وئي بعد ۾ ايس ايڇ او سرفراز شوٽر 2 لک روپيه گهريا ته 2 لک ڏئي پنهنجو ڀاء وٺي وڃو جنهن تي اسان ٻڌايو ته سائين اسان غريب آهيون مزدوري ڪري ٻارڙن جو پيٽ پاليون ٿا ايتري رقم ناهي ايس ايڇ او جواب ڏيندي چيو ته جيڪڏهن ايتري رقم ناهي ته تنهنجي ڀاء کي آء هاف فرائي ڪري ڇڏيندس ۽ ڪوڙن ڪيسن ۾ جيل موڪلي ڇڏيندس. جنھن تي آء پنھنجي وڪيل جي معرفت 16 تاريخ تي ڪورٽ ۾ پوليس خلاف پٽيشن داخل ڪرائي ۽ واپس ٿاڻي تي پھتاسين ته ڊيوٽي آفيسر ٻڌايو ته 16 جنوري صبح جو سوير پوليس مقابلي ۾ اوھان جي ڀاء کي هاف فرائي ڪيو ويو آھي. پوليس اسان سان ظلم ڪيو آھي منھنجي ڀاء کي ڪوڙو مقابلو ڄاڻائي معذور ڪيو آھي. هن سپريم ڪورٽ آف پاڪستان سنڌ هاء ڪورٽ جي چيف جسٽس آئي جي سنڌ ايڊيشنل آئي جي ۽ ٻين اختيارين کي اپيل ڪئي ته معاملي جي شفاف نموني جاچ ڪرائي اسان سان انصاف ڪيو وڃي