عمرڪوٽ: آل سنڌ ۽ پاڪستان قائد عوام شھيد ذوالفقار علي ڀٽو ڪرڪيٽ ٽورنامينٽ جا مقابلا جاري

عمرڪوٽ (رپورٽ:ڪانجي مل رکيسر) ماروي اسٽيڊيم ۾ ھلندڙ آل سنڌ ۽ پاڪستان قائد عوام شھيد ذوالفقار علي ڀٽو ڪرڪيٽ ٽورنامينٽ ۾ پھرئين بيٽنگ ڪندي ينگ الشھباز ڪرڪيٽ ڪلب لاڙڪاڻو 140 اسڪور ٺاھي آل آئوٽ ٿي وئي، جنھن ۾ اياز بروھي 36 رنسون، عبدالله شاھ 22 رنسون ٺاھي نمايان رھيا، جواب ۾ ٽارگيٽ جي پٺيان بيٽنگ ڪندي حرم ناظم آباد جيم خانه ڪرڪيٽ ڪلب ڪراچيءَ 12 اوورن ۾ تيز رفتاري سان بيٽنگ ڪندي زوھيب ادريس 55 رنسون حيدر بنگيش 30 رنسون ٺاھي نمايان رھيا ۽ 141 رنسن جو ٽارگيٽ پورو ڪري ميچ کٽي ورتو ان موقعي تي آرگنائيزر رحيمداڻي ڪرڪيٽ اڪيڊمي ۽ سيڪريٽري المھراڻ ڪرڪيٽ اڪيڊمي رسول بخش رحيمداڻي، ۽ آرگنائيزر تاج محمد ڊي او مئن آف دي ميچ جو ايوارڊ زوھيب ادريس کي ڏنو جڏھن تہ اڄ قاسمي ڪرڪيٽ ڪلب ڪراچيءَ ۽ حرم ناظم آباد جيم خانه ڪرڪيٽ ڪلب ڪراچيءَ وچ ۾ ڪواٽر فائينل کيڏيو ويندو.