نوشهروفيروز ۾ وڌندڙ گندگي ۽ صفائي سٿرائي نه ٿيڻ خلاف اٺين ڏينهن به احتجاج جاري

چونڊيل نمائندن ۽ انتظاميه لاپرواهي سبب شهر جا 16 وارڊ گندگي جو ڍير بڻجي ويا آهن: اڳواڻ

نوشهرو فيروز (ڊر)نوشهرو فيروز ۾ گندگي آزار وڌيو ميونسپل چيئرمين، ميونسپل آفيسر ۽ يونين عهديدار ڪرپشن ڪرڻ ۾ پورا سياسي سماجي ڌرين جو گندگي خلاف اٺين ڏينھن به احتجاج جاري، شھر جي مختلف علائقن گندگي خلاف مختلف سياسي، سماجي تنظيمن پاران الله واري چونڪ تي احتجاج ڪيو ويو احتجاج جي اڳواڻي اي پي اي اڳواڻ محمد يونس راڄپر، ايس يو پي اڳواڻ خادم سيال، مهر علي وسطڙو، سڪندر اعظم عباسي، ضمير لنڊ، علینواز سولنگی ظمیر وسطژو جي ايم ميراڻي، راجا رئيس ۽ ٻيا ڪري رهيا هئا ان موقعي تي اڳواڻ چيو ته نوشهروفيروز جي نااهل انتظاميا ۽ چونڊيل نمائندن جي لاپرواهي سبب نوشهروفيروز شهر 16 وارڊ گندگي جو ڍير بڻجي ويا آهن سڄو شهر گندگي جو ڍير بڻجي ويو آھي جنهن سبب شهر جا معصوم ٻار ۽ شاگرد مختلف بيمارين ۾ وٺجي ويا آهن مختلف علائقا جن ۾ روڊ رستا، مين چوڪ ۽ هيٺائين وارا علائقا، سول اسپتالقبرستانن ، گرلس اسڪول، اسٹیشن رود ۽ مسجدن سامهون ڊرينيج جو گندو پاڻي بيٺل آھي هر طرف گندگي جا ڍير لڳا پيا آھن شهر کنڊرات جو ڏيک ڏئي رهيو آهي ميونسپل ڪاميٽي جي 3 ڪروڙ کان وڌيڪ بجيٽ آھي پر اها رقم ڪوڙن ووچر ذريعي هڙپ ڪئي وڃي ٿي صفائي ڪندڙ سوين ملازمن ويزا تي آھن هنن وڌيڪ چيو ته ميونسپل چيئرمين ڊاڪٽر ڪاشف مصطفي ميمڻ، ميونسپل آفيسر وليد شورو سئيپرن جي يونين جا عهديدار ڪشن راجا، مولابخش شيخ، خالد شيخ ملي ڀڳت ڪري سڀ ملازم ويزا تي ڇڏڻ سميت بجيٽ ڪوڙن ووچرن ذريعي ھڙپ ڪري رهيا آھن ھنن چيو ته ملوث عملي خلاف ڪاروائي ڪري شهر جي صفائي ڪرائي وڃي ٻي صورت ۾ احتجاج جو دائرو وڌايو ويندو.