سجاول: بلڙي شاهه ڪريم مان ڳوٺ لاءِ نڪتل غلام مصطفيٰ سولنگي نوجوان پراسرار نموني گم

سجاول(رپورٽر)بلڙي شاھ ڪريم مان موٽرسائيڪل تي نڪتل غلام مصطفي سولنگي 20 ڏينھن گذرڻ باوجود ڳوٺ واپس نه پھتو. سندس گھر واري. ڀيڻ ۽ سندس ڀاء سجاول پھچي سورج سجاولي پريس ڪلب تي پھچي پريس ڪانفرنس ڪئي. سندس گھر واري راحيله صحافين سان ڳالهائيندي چيو ته منھنجو مڙس غلام مصطفي سولنگي 5 ڊسمبر تي گھران موٽر سائيڪل تي ڪم سانگي نڪتو هو پر اڄ 20 ڏينھن گذرڻ باوجود گھر واپس ناهي آيو ان چيو ته اهڙي رپورٽ اسان ٿاڻي تي ڏني پر انھن اسان جي ڪابه ڳالھ نه ٻڌي. ان وڌيڪ چيوته اسان جڏهن هن جي موبائل فون جو نمبر چيس ڪرايو ته هن جي لوڪيشن ڇريٽاڻي ٻڌائي وئي اسان سجاول ٿاڻي تي پهتاسين پر انھن به اسان جي ڳالھ تي ڪو ڌيان نه ڏنو. اسان ڪورٽ ۾ 22aداخل ڪرائي ان کان پوء پوليس نامعلوم ماڻھن تي ايف آئي آر داخل ڪئي جنھن جي ڪاپي اسان وٽ موجود آهي. سندس گھر واري چيو ته منھنجي مامن جي اسان سان دشمني ھلندڙ آهي مونکي شڪ آهي ته متان منھنجي مڙس کي انھن اغوا نه ڪرايو هجي. هن آئي جي سنڌ . ڊي آئي جي حيدرآباد ۽ ايس ايس پي سجاول کان مطالبو ڪيو آهي ته مون کي منھنجو گهروارو واپس ڏياريو وڃي منھنجا ننڍا ٻچا آهن اهي به پريشان آھن. غلام مصطفي سولنگي جي گھر واري راحيله سولنگي سان گڏ پريس ڪانفرنس ۾ غلام مصطفي سولنگي جي ڀيڻ الهبچائي. ۽ سندس ڀاء عبدالرزاق سولنگي به موجود هئا