انساني حقن لاءِ ۽ جنسي بنيادن تي ٿيندڙ تشدد خلاف سڀني کي ڪردار ادا ڪرڻو پوندو: ساڃاهه وند

عمرڪوٽ(رپورٽ:ڪانجي مل رکيسر) انساني حقن لاء جاکوڙ ۽ جنسي بنيادن تي ٿيندڙ تشدد جي خاتمي لاء اسان سڀني کي پنھنجي حصي جو ڪردار ادا ڪري گڏجي جھدوجھد ڪرڻي پوندي. سڄاڻ ڌريون خبر موجب سينٽر فار پيس اينڊ ڊولپمينٽ انيشيٽوز (سي پي ڊي آئي) پاران انساني حقن لاء جاکوڙ ۽ جنسي بنيادن تي ٿيندڙ تشدد جي خاتمي بابت مقامي ھال ۾ گڏجاڻي ڪوٺائي ويئي جنھن ۾ سياسي سماجي حلقن، صحافين، ڳوٺاڻن، سماج جي مختلف شعبن سان تعلق رکندڙ جاکوڙي ڪردارن شرڪت ڪئي جتي گڏجاڻي دوران ڳالھائيندي سماجي اڳواڻ علي اڪبر راھمون چيو ته جيڪي ماڻھو پنھنجي بنيادي حقن جي ڄاڻ نٿا رکن انھن ۾ سڄاڳي پيدا ڪرڻ لاء اسان سڀني کي ڪردار ادا ڪرڻو پوندو سول سوسائيٽي کي صرف اين جي اوز سان نه ڀيٽيو وڃي جيڪي به مختلف ڪميٽيز ۽ سماج ۾ بھتري لاء ڪم ڪري رھيا آھن سول سوسائيٽي جو حصو آھن سوشل ويلفيئر ڊپارٽمنٽ عمرڪوٽ جي ڊپٽي ڊائريڪٽر مرتضي گوھر چيو ته تعليم کانسواء ترقي ممڪن ناھي سماج ۾ ڏينھون ڏينھن تبديليون اچي ويون آھن ۽ اڳتي به ھر فيلڊ ۾ تبديلي ايندي ماڻھن ۾ شعور پيدا ڪرڻ لاء وڏي جاکوڙ ڪرڻي پوندي ميونسپل ڪميٽي عمرڪوٽ جي ميمبر دليپ ڪمار مولچنداڻي چيو ته سنڌ حڪومت طرفان سرڪاري ادارا ڪم ڪن پيا انھي کان علاوه ورلڊ بئنڪ جي حوالي سان به ڪم ھلن پيا ھر ماڻھو کي پنھنجي حصي جو ڪم ڪرڻ گُھرجي ھن چيو ته عمرڪوٽ جي مسئلن جي مون نشاندھي ڪندي ميونسپل ڪميٽي جي اجلاس ۾ آواز اٿاريو آھي ميڊيا جي نمائندن کي به مسئلن جي حل لاء آواز اٿارڻ گُھرجي سماجي اڳواڻ عاطف علي ۽ سريش ڪمار پراگاني چيو ته نياڻين کي وڌ کان وڌ تعيلم ڏيارڻ گُھرجي 18 سالن کان گھٽ ڄمار ۾ شاديون نه ڪرائڻ گُھرجن جيڪي به پنھنجي بنيادي حقن جي ڄاڻ کان واقف ناھن ھنن کي ڄاڻ فراھم ڪري حق ڏيارڻ گُھرجي سماجي اڳواڻ مير حسن آريسر چيو ته گورنمينٽ جي ادارن ۾ ويٺل لوڪل ماڻھو آھن ھر ڪو پنھنجي وسان ڪم ڪري رھيا آھن سماجي ادارن ۽ گورنمينٽ جي ماڻھن کي گڏجي ڪم ڪرڻ جي ڪردار سان ڪافي مسئلا حل ٿي سگھن ٿا ھر ماڻھو جي پنھنجي حصي جو ڪم ڪري ته بھتري اچي سگھي ٿي وڪيل محمد بخش ڪنڀر چيو ته اسان وٽ جيسيتائين ڪنھن به مسئلي جي ڄاڻ نه ھوندي ته انھي جي حل لاء اسان ڪيئن ڪردار ادا ڪنداسين اسان سڀني کي پنھنجي حصي جو بھتر نموني سان ڪردار ادا ڪرڻو پوندو عورتن تي ٿيندڙ تشدد جي واقعن جي روڪٿام لاء به جاکوڙ ڪرڻي پوندي ھن تقريب کي محدود نه رکڻ کپي مسئلن جي حل لاء جھدوجھد ڪرڻ گُھرجي سماجي اڳواڻن عبدالله کوسو ۽ عبدالجبار ڪنڀر چيو ته جيڪي ٻارڙا اسڪول کان ٻاھر آھن انھن جي داخلا لاء اسان سڀني کي ڪردار ادا ڪرڻ کپي والدين کي به پابند ڪرڻ گھرجي ته اُھي ٻار کي پڙھائن تعليم جي واڌاري لاء ڪوششون وٺڻ گُھرجن ضلعي ڪائونسل ميمبر نورجھان ڳيلھڙو چيو ته اسان کي عورتن لاء برابري جي ڳالھ ته ڪئي وڃي ٿي پر اسان کي پنھنجا حق نٿا ڏنا وڃن انھي لاء چوندس ته اسان کي موقعا فراھم ڪري ڏنا وڃن گڏجاڻي ۾ ايڊوڪيٽ سڪندر کوسو، سينيئر صحافي ممتاز آريسر، عبدالغني ھاليپوٽو، عبدالعزيز رحماني، عورت اڳواڻ فرين مگسي، منيش ڪمار سوني سميت ٻين ڳالھائيندي چيو ته عوامي مسئلا حل ڪرڻ لاء گڏجي جاکوڙ ڪرڻي پوندي گڏجاڻي ۾ سماجي اڳواڻ عالمگير ٻلال، آصف بجير، نوجوان صحافي غلام مصطفي مھر سميت ٻيا پڻ موجود ھئا