سجاول ۾ سماجي اداري پيني اپيل طرفان يونيسيف ۽ لوڪل گورنمينٽ جي سهڪارسان تقريب منعقد

سجاول (رپورٽر) سجاول ۾ سماجي اداري پيني اپيل طرفان يونيسيف ۽ لوڪل گورنمينٽ جي سهڪارسان ٻھراڙي واري علائقن کي کلي ڪاڪوس کان پاڪ ڪرڻ ۽ هٿن ڌوئڻ جا رواج عام ڪرڻ لاءِ تقريب منعقد ڪئي وئي.ان موقعي تي تقريب کي خطاب ڪندي پروجيڪٽ مينيجرو حيدر علي جتوئي چيو ته سجاول ضلعي جي ٻھراڙي واري علائقن کي کلي ڪاڪوس کان پاڪ ڪرڻ ۽ هٿن ڌوئڻ جا رواج عام ڪرڻ لاء سکيا ڏئي رهيا آهيون ته جيئن بندري پڻ ۽ غذائي قلت جي بيماري کان بچاءُ ممڪن ٿي سگهي. هن چيو ته کلي ميدان ۾ ڪاڪوس ڪرڻ سان ڪيتريون ئي بيماريون جنم وٺن ٿيون جنهن ۾ ڊائيريا، پوليو، ڪاري سائي ۽ بندري پڻ هجڻ شامل آھن. اسان کي پنهنجي گهراڳيان گندگي پهلائڻ نه گهرجي گهر جي ماحول کي بلڪل صاف سٿرو رکڻ گهرجي، کاڌو کائڻ کان پهرين هٿن کي چڱي طرح صابڻ سان ڌوئڻ ضروري آهي.پيني اپيل ۽ يونيسيف طرفان ڪاڪوس ڪرڻ کي روڪڻ واري عمل جي مُڪمل ٿيڻ تي سجاول ضلع جي 75 ڳوٺن کي اوپن ڊيفيڪيشن فري (ODF) جو سرٽيفڪيٽ ڏنو ويو. تقريب ۾ پيني اپيل جو ڪنٽري ڊائريڪٽر عمران ملڪ، پروگرام مينيجر اشفاق احمد، اسسٽنٽ ڪمشنر سجاول وليد ڏاوچ، ڊي اي او سيڪنڊري پيار علي خواجا، ٽي اي او اشرف شاعر، ۽ يو سي سيڪريٽري سليم ميمڻ ان کان علاوهک امداد حسين خواجا، رب ڏنو جت، مجيد عالماڻي، اڪبر ڪوريجو، ۽ ميڊيا نمائندا سليم ملاح، جاني جوگي، ۽ ڪي بي ملاح ۽ ٻين شرڪت ڪئي، سرٽيفڪيشن تقريب ۾ ڪميونٽي ميمبرن ۽ سرڪاري اسٽيڪپ هولڊرز کي سرٽيفڪيٽ ۽ شيلڊون پيش ڪيون ويون، ۽ انهن جي ڪوششن کي ساراهيو ويو. تقريب جي اختتام ۾ پروجيڪٽ مينيجر حيدر علي جتوئي سمورن شرڪت ڪندڙن ۽ اسٽيڪ هولڊرز جي گڏيل ڪوششن جي واکاڻ ڪئي.