ملير: شاھ لطيف ٽائون ويجهو هٿياربندن جي فائرنگ ۾ هڪ ڄڻو قتل، 2 زخمي

ملير (رپورٽ: عبدالرشيد مورجھريو) شاھ لطيف ٽائون ويجهو اڻڄاتل موٽر سائيڪل سوار هٿيار بندن جي فائرنگ، هڪ ڄڻو مارجي ويو، 2 زخمي، علائقي ۾ خوف ۽ هراس، واقعو ذاتي دشمني لڳي رهيو آهي وڌيڪ جاچ ڪئي پئي وڃي، پوليس، تفصيل موجب ملير جي شاھ لطيف ٽائون واري علائقي سيڪٽر 16وٽ ڪالھ اڻڄاتل هٿيار بندن فائرنگ ڪري ڏني جنهن جي نتيجي ۾ 50 ورهين جو سرفراز پٽ عبدالرحيم باچڪاڻي مارجي ويو جڏهن ته 2 ڄڻا مشتاق پٽ عبدالرحمان ۽ امجد پٽ محمد يعقوب زخمي ٿي پيا واقعي بعد علائقي ۾ خوف هراس پکڙجي ويو ان سلسلي ۾ ٻڌايو پيو وڃي ته مقتول نماز پڙهي جيئن گهر وٽ پهتو ته هٿيار بندن فائرنگ ڪري قتل ڪري ڇڏيو اطلاع تي پوليس واقعي واري هنڌ پهچي مڙھ جناح اسپتال منتقل ڪيو پوليس موجب واقعو ذاتي دشمني لڳي رهيو آهي وڌيڪ مقتول جي پٽ شعيب جي فرياد تي ڪيس داخل ڪري جاچ شروع ڪري ڏني آهي جوابدارن کي جلد گرفتار ڪيو ويندو