اڳوڻو سيڪريٽري جعفر عباسي ۽ چيئرمين ٽائون ڪاميٽي فقيرآباد سرائي نثار حسين خاصخيلي به موجود
ڪراچي(اسٽاف رپورٽر) ڊي آء جي پوليس سيد پير محمد شاھ, اڳوڻي سيڪريٽري جعفر عباسي ۽ چيئرمين ٽائون ڪاميٽي فقيرآباد سرائي نثار حسين خاصخيلي جي وساڻ ھائوس ڪراچي آمد ۽ سنڌ اسيمبلي جي ميمبر بئريسٽر ھالار خان وساڻ سان خوشگوار ماحول ۾ ملاقات ڪئي . ڊي آء جي پير محمد شاھ پاران 25 ڊسمبر تي ڪوٽڏيجي قلعي کان ٿيندڙ لوڪ سھائتا ميراٿن ريس بابت اھم ڳالھ ٻولھ ڪئي ۽ شرڪت ڪرڻ جي لاء ايم پي اي بئريسٽر ھالار منظور وساڻ کي شرڪت ڪرڻ جي لاء دعوت ڏني.ان موقع تي ايم پي اي بئريسٽر ھالار خان وساڻ جي سالگرا جو ڪيڪ ڪاٽيو ۽ آخر ۾ ايم پي اي بئريسٽر ھالار خان وساڻ سڀني آيل مھمانن ڊي آء جي سيد پير محمد شاھ , اڳوڻو سيڪريٽري جعفر عباسي ۽ چيئرمين ٽائون ڪاميٽي فقيرآباد سرائي نثار حسين خاصخيلي جن کي سنڌ جي ثقافتي لنگي جو تحفو پيش ڪيو. ان موقع تي ايم پي اي ھالار خان وساڻ چيو ته پير محمد شاھ ۽ سندس ٽيم کي جس آهي جنهن ڪوٽڏيجي قلعي کان سکر تائين ريس ڪڍڻ وارو ايونٽ بھتر آهي جنهن ۾ نوجوانن کي صحتمند تندرستي وارو ماحول مھيا ٿيندو, ھن ٻوسٽ واري ماحول ۾ نوجوانن جي لاء اھڙا ايونٽ ڪرايا وڄين ته بھتر آهي, ھالار خان وساڻ چيو ته ھن ايونٽ ۾ مان ڀرپور نموني سان پڻ شرڪت ڪندس.
0 تبصرے