عمرڪوٽ ضلعي ڪائونسل جو اجلاس، سنڌو درياھ تي ٺھندڙ 6 ڪئنالن خلاف رٿ اڪثريت راء سان منظور

عمرڪوٽ(رپورٽ:ڪانجي مل رکيسر) ضلعي ڪائونسل عمرڪوٽ جو اجلاس، سنڌو درياھ تي ٺھندڙ 6 ڪئنالن جي خلاف رٿ اڪثريت راء سان منظور، ميمبرن طرفان ٻيلي کاتي، پبلڪ ھيلٿ، صحت کاتي سميت مختلف کاتن خلاف دانھون ڪيون ويون خبر موجب عمرڪوٽ ضلعي ڪائونسل جو اجلاس ڪالھ ضلعي چيئرمين حاجي بقا پلي جي صدارت ھيٺ سورھيه بادشاھ ڪامپليڪس ھال ۾ منعقد ٿيو جنھن ۾ ضلعي وائس چيئرمين ميان خالد ولھاري سميت ضلعي ڪائونسل جي ميمبرن، مختلف کاتن جي آفيسرن، صحافين شرڪت ڪئي اجلاس جي موقعي تي ضلعي ڪائونسل جي ميمبر شاھنواز جوڻيجو طرفان ضلعي ڪائونسل جي ھلندڙ ترقياتي ڪمن بابت بريفينگ ڏيندي چيو ته ھن وقت عمرڪوٽ ضلعي ۾ ضلعي ڪائونسل عمرڪوٽ 24-2023 جون ٽوٽل 162 اسڪيمون آھن، جنھن مان 20 اسڪيمون مڪمل ٿي چڪيون آھن، 27 اسڪيمن تي ڪم ھلندڙ آھي ۽ 115 اسڪيمن تي ڪم شروع نہ ٿي سگھيو آھي جيڪو به جلد ڪرايا ويندا جن به يونين ڪائونسل ۾ ڪم نه ٿيا آھن ته انھي جي ٺيڪيدارن کي شوڪاز نوٽيس جاري ڪيا ويا آھن جڏھن ته اجلاس دوران ضلعي ڪائونسل جي ميمبر شاھنواز جوڻيجو طرفان سنڌو درياھ تي 6 ڪئنال اڏڻ واري مامري تي رٿ پيش ڪندي چيو ته پاڻي اسان جي لاء جياپي جو وڏو مسئلو آھي سنڌو جي پاڻي تي 6 ڪئنال جيڪي ٺھن پيا ھن خلاف رٿ پيش ڪريان پيو جنھن لاء سڄي سنڌ سراپا احتجاج بڻيل آھي ۽ اسان به مذمت ٿا ڪريون ته سنڌو درياھ جي پاڻي تي 6 ڪئنال ڪنھن به صورت ۾ قبول ناھن پيش ڪيل رٿ کي اڪثريت راء سان منظور ڪئي ويئي ميمبرن طرفان ٻيلي کاتي، پبلڪ ھيلٿ کاتي ۽ صحت کاتي سميت ٻين کاتن خلاف دانھيو جنھن تي ضلعي چيئرمين لاڳاپيل عملدارن کي جلد شڪايتون ختم ڪري رليف ڏيڻ جي ھدايت ڪئي اجلاس ۾ وائيس چيئرمين ضلعي ڪائونسل عمرڪوٽ ميان خالد ولھاري، ميمبرن عبدالواحد آريسر ۽ نورجھان ڳيلھڙو سميت ٻين ميمبرن پڻ خطاب ڪيو