ملير جي فيڪٽرين ۾ سنڌي نوجوانن لاءِ روزگار جا دروازا بند هجڻ خلاف جسقم پاران ريلي ڪڍي وئي

ملير (رپورٽ: عبدالرشيد مورجھريو) ملير جي فيڪترين ۾ سنڌي نوجوانن لاءِ روزگار جا دروازا بند، جسقم ملير طرفان قومي شاھراھ کان انڊسٽريل زون تائين احتجاجي ريلي ۽ ڌرڻو، سوين ڪارڪنن ۽ بيروزگار نوجوانن جي شرڪت، روزگار ڏيو جا اڀ ڏاريندڙ نعرا، ٻين صوبن کان ڌارين کي گهرائي فيڪٽرين ۾ نوڪريون ڏنيون پيون وڃن ۽ سنڌي نوجوانن کي برتي بند آهي جو جواز ڄاڻائي واپس ڪيو ٿو وڃي انساني حقن جون تنظيمون ۽ حڪومت نوٽيس وٺي انصاف ڪري اڳواڻ تفصيل موجب ملير جي فيڪترين ۾ سنڌي نوجوانن لاءِ روزگار جا دروازا بند ڪرڻ خلاف جسقم ملير جي صدر مختيار سومرو،حفيظ سنڌي، ساگر سعيد سنڌي، مرڪزي اڳواڻ آڪاش کٽي ۽ ٻين جي اڳواڻيءَ ۾ سوين ڪارڪنن ۽ بيروزگار نوجوانن ڪالھ قومي شاھراھ کان مختلف رستن تان مارچ ڪندا مک ڪارخانن وٽ پهتا جتي ڌرڻو هڻي وهي رهيا احتجاج ۾ شريڪ نوجوان تعصب پرستي بند ڪريو روزگار ڏيو جا اڀ ڏاريندڙ نعرا هڻي رهيا هئا ان موقعي تي اڳواڻن چيو ته ملير ۾ هزارين فيڪٽرين باوجو تعليم يافته، هنرمند ۽ تجربي ڪار سنڌي نوجوان روزگار لاءِ واجھائي رهيا آهن جڏهن ته ٻين صوبن کان ڌارين کي گهرائي فيڪٽرين ۾ نوڪريون، رهائش ۽ ٻيون سهولتون ڏنيون پيون وڃن ۽ سنڌي نوجوانن کي برتي بند آهي جو جواز ڄاڻائي فيڪٽرين جي گيٽ تا ئين واپس ڪيو ٿو وڃي هنن انساني حقن جي تنظيمن ۽ سڌ حڪومت کان مطالبو ڪيو ته نوٽيس وٺي فيڪٽري مالڪن کي سنڌي نوجوانن کي به نوڪري ڏيڻ جو پابند بڻايو وڃي ٻي صورت ۾ سموري سنڌ ۾ احتجاج ڪيو ويندو