پ پ منارٽي ونگ ضلعي عمرڪوٽ جي سينيٽر پونجو مل ڀيل جي صدارت ۾ گڏجاڻي

48 views | 22nd Dec 2024 • سنڌي خبرون

پ پ منارٽي ونگ ضلعي عمرڪوٽ جي سينيٽر پونجو مل ڀيل جي صدارت ۾ گڏجاڻي

عمرڪوٽ(ڪانجي مل رکيسر)پاڪستان پيپلزپارٽي منارٽي ونگ ضلعي عمرڪوٽ جي عهديدارن جي گڏجاڻي اڄ ڀيل هائوس عمرڪوٽ ۾ منارٽي ونگ سنڌ جي جنرل سيڪريٽري سينيٽر پونجو مل ڀيل جي سرپرستي ۽ ضلعي صدر بنسي مالهي جي صدارت هيٺ ٿي گذري. گڏجاڻي ۾ شهيد راڻي محترمه بينظير ڀٽو جي 17 ورسي جي پروگرام ۾ شرڪت لاءِ رٿابندي ڪئي وئي. اجلاس ۾ فيصلو ڪيو ويو ته ورسي جي جلسي لاءِ منارٽي ونگ ضلعي عمرڪوٽ پاران ٻن بسن جو قافلو ضلعي تنظيم سان گڏ ضلعي صدر بنسي مالهي ۽ جنرل سيڪريٽري رائيچند ڀيل جي اڳواڻي ۾ شامل ٿيندو. قافلو 26 ڊسمبر تي عمرڪوٽ مان روانو ٿيندو، رات جو شهيد راڻي محترمه بينظير ڀٽو جي مزار ڏيئن جي ڀيٽا ڏني ويندي. گڏجاڻي ۾ پاڪستان پيپلزپارٽي منارٽي ونگ ضلعي عمرڪوٽ جو جنرل سيڪريٽري رائيچند ڀيل، سينئر نائب صدر راجا رامچند مالهي، جوائنٽ سيڪريٽري ڀانجي ڀيل، ڊاڪٽر صالو رام آچاراڻي، پهلاج راءِ ڀيل ۽ ٻين عهديدارن ۽ ڪارڪنن شرڪت ڪئي.