پهرين ميچ ۾ قمبر يونائيٽيڊ کي دادو برادرس هٿان شڪست
عمرڪوٽ (رپورٽ:ڪانجي مل رکيسر) آل سنڌ پاڪستان قائد عوام شھيد ذوالفقار علي ڀٽو ڪرڪيٽ ٽورنامينٽ جي افتتاحي تقريب ماروي گرائونڊ عمرڪوٽ ۾ ٿي جنھن جو افتتاح چيئرمين ميونسپل ڪميٽي عمرڪوٽ حاجي سيف اللہ خالد سراج سومرو، پيپلزپارٽيءَ ٽنڊوالهيار جي اڳواڻ نائيد اختر قائم خاني، ڊويزنل ڊي او اسپورٽس اياز مري، ميونسپل ڪميٽيءَ عمرڪوٽ جي ڪائونسلر دليپ مولچنداڻي، آرگنائيزر رحيمداڻي ڪرڪيٽ اڪيڊمي و سيڪريٽري المهراڻ ڪرڪيٽ اڪيڊمي رسول بخش رحيمداڻي، آرگنائيزر المهراڻ ڪرڪيٽ اڪيڊمي ڊي او تاج محمد خاصخيلي ڪيو، ماروي گرائونڊ کي پاڪستان جي جھنڊن سان سجايو ويو ۽ ميچ جي شروعات پاڪستان جي قومي تراني سان ٿي، جڏھن تہ پھريون آل سنڌ اينڊ پاڪستان قائد عوام شھيد ذوالفقار علي ڀٽو ڪرڪيٽ ٽورنامينٽ دادو ڪرڪيٽ ٽيم ۽ قمبر ڪرڪيٽ ٽيم جي وچ ۾ کيڏيو ويو ٽورنامينٽ جو ٽاس دادو ڪرڪيٽ ٽيم قمبر ڪرڪيٽ ٽيم کان کٽي فلڊنگ جو فيصلو ڪيو، قمبر يونائيٽيڊ 162 رنسون ٺاھي آل آئوٽ ٿي وئي ۽ دادو برادرس کي 163 جو ٽارگيٽ ڏنو ۽ دادو برادرس 5 وڪٽن جي نقصان تي آل سنڌ پاڪستان شھيد ذوالفقار علي ڀٽو ڪرڪيٽ ٽورنامينٽ جو پھريون ميچ کٽي ورتو، ٻي طرف ماروي گرائونڊ عمرڪوٽ ۾ لاتعداد شائقين ڪرڪيٽ ٽورنامينٽ ڏسڻ لاءِ ميدان ۾ پھتل ھئا، ان موقعي تي افتتاحي تقريب ۾ آيل مھمانن کي رسول بخش رحيمداڻي پاران ٿر جي ثقافت لوئي جا تحفا پيش ڪيا ويا جڏھن تہ ٽورنامينٽ ۾ محمد عيسي ناگوري، اسد کوسو ڪاميٽري جا جوھر ڏيکاري شائقينن کي جهومائي ڇڏيو، قائد عوام شھيد ذوالفقار علي ڀٽو ڪرڪيٽ ٽورنامينٽ پندرھن ڏينھن تائين جاري رھندو ۽ سموري سنڌ توڙي پاڪستان مان ڪرڪيٽ ٽيمون شرڪت ڪنديون ۽ اڄ بروز سومر جي ڏينھن نوابشاهه سڪرنڊ ۽ ايمس حيدرآباد جي وچ ۾ ميچ کيڏيو ويندو.
0 تبصرے