ريلي جي اڳواڻي سيد رستم علي شاهه، ڪامريڊ روشن علي خاصخيلي، غلام قمبر چانڊيو ، عبدالرئوف سولنگي ۽ ٻيا ڪري رهيا هئا
نوشهروفيروز (ڊ ر) هاءِ وي ايمپلائيز يونين سنڌ جو مرڪزي نائب صدر امداد علي کوسو جي چونڊجڻ جي خوشيءَ ۾ ريلي ڪڍي وئي جنهن جي اڳواڻي سيد رستم علي شاهه، ڪامريڊ روشن علي خاصخيلي، غلام قمبر چانڊيو ، عبدالرئوف سولنگي ۽ ٻيا ڪري رهيا هئا جن چيو ته امداد علي کوسو هڪ بهادر ۽ دلير پورهيت اڳواڻ آهي جنھن پنھنجي سڄي عمر پنهنجي مزدور ۽ پورهيت ورڪرن لاءِ پاڻ پتوڙيو آهي سندس جي اهڙي سوچ ۽ جدوجهد تي کيس سلام پيش ڪيون ٿا ۽ اميد ٿا ڪريون ته اڃان به امداد کوسو پورهيت جو ساٿ ڏيندو رهندو اسان يونين جي مڙني قيادت جي اڳواڻن جا ٿورائتا آهيون جن امداد علي کوسو کي مرڪز تي عهدو ڏنو ان موقعي تي مرڪزي نائب صدر امداد علي کوسو چيو ته مزدور طبقي سان نڀائيندا رهيا آهيون ۽ جيئڻ مرڻ به انهن پورهيتن جي حقن لاءِ رهندو
0 تبصرے