خانواهڻ جي مدرسي ۾ پڙهندڙ کٿابي نينگر پراسرار نموني گم

احتشام پٽ اشفاق خشڪ مدرسي ۾ پڙهندو آهي، ڳولا ۾ مدد ڪئي وڃي: وارث

نوشهروفيروز(ڊ ر)خانواهڻ جي باب اسلام مدرسي ۾ پڙهندڙ نينگر غائب مدرسي انتظاميان پاران وارثن کي آگاهي ڳولا جاري تفصيل موجب خانواهڻ شهر اندر قائم مدرسه باب اسلام ۾ پڙهندڙ شاگرد احتشام ولد اشفاق خشڪ اوچتو گم ٿي ويو آهي .نينگر کي زمين ڳهي وئي جا آسمان جهٽي ويو ڪنهن کي ڪا خبر ناهي ٻئي طرف اهي چوٻول ٻڌڻ ۾ پيا اچن ته مدرسي جي انتظاميان کي خبر آهي نينگر سان ڪو واقعو پيش آيو آهي پر انتظاميان اهو سڀ ڪجهه غلط افواهه پکيڙيندڙن جي الزامن کي رد ڪندي ڇوڪري جي غائب ٿي وڃڻ جو سندس وارثن کي اطلاع ڏئي ڇڏيو آهي جن نينگر جي ڳولا شروع ڪري ڇڏي آهي آخري اطلاع ملڻ تائين نينگر جو ڪو ڏس پتو پئجي ناهي سگهيو باقي وارثن ۽ مدرسي انتظاميان پاران نينگر جي ڳولا وارو عمل جاري آهي