ملير: گلشن حديد ڀرسان نيشنل هاءِ وي جي زمين تي مبينا قبضو، رهواسين جو ڌرڻو

ملير (رپورٽ: عبدالرشيد مورجھريو) گلشن حديد ڀرسان نيشنل هاءِ وي جي اربين رپين جي قيمتي زمين تي مبينا قبضو، علائقي واسي روڊن تي نڪري آيا، احتجاج مظاهرو ڌرڻو، بااثر ماڻهن اريبن جي زمين تي جعلي کاتا رکرائي قبضو ڪيو آهي اسسٽنٽ ڪمشنر مختيار ڪار سميت پوري روينيو کاتي جي آفيس مليل آهي، جاچ ڪري زمين کي بچايو وڃي، حب علي کوسو، مرتضيٰ رند، واحد ڪلمتي ۽ ٻين جون صحافين سان ڳالهيون تفصيل موجب : ملير جي علائقي گلشن حديد ڀرسان نيشنل هاءِ وي جي اربين رپين جي قيمتي زمين تي مبينا قبضي خلاف علائقي واسي روڊن تي نڪري آيا سوين ماڻهن اڏوات اڳيان پهچي احتجاج مظاهرو ڪري ڌرڻو هنيو مظاهرو ڪندڙن جي هٿن ۾ بينر ۽ پلي ڪارڊ هئا ۽ هو قبضاگيري بند ڪريو جا اُڀ ڏاريندڙ نعرا هڻي رهيا هئا ان موقعي تي اڳواڻن حب علي کوسو، مرتضيٰ رند، محبوب رند، سومار زنگياڻي، ممتاز شر، مصطفيٰ هديو، واحد ڪلمتي، عطا الله هديو ۽ ٻين صحافين سان ڳالهائيندي چيو ته گلشن حديد ڀرسان ديھ جوريجي ناڪلاس 344 نيشنل هاءِ وي تي 50 بسترن جي ٺهندڙ اسپتال ڀرسان روينيو، پوليس ۽ اينٽي انڪروچمنت سيل جي سرپرستي ۾ قبضو ٿي رهيو آهي مظاهرين الزام لڳايو ته صديق آدم جي اربين رپين جي زمين تي قبضو ڪري رهيو آهي صيفل ڳوٺ کي اڳ مسمار ڪرايو ويو روينيو کاتي جي مبينا ملي ڀڳت سان اربين رپين جي زمين هڙپ ڪئي پئي وڃي هنن چيو ته گلشن حديد ڀرسان نيشنل هاءِ وي تي عديل اختر شيخ به سوسائٽي ٺاهي ڪروڙين رپين ۾ پلاٽ وڪرو ڪري شهرين کي ڦري رهيو آهي زمين جو ڪيس اڳ ئي نيب وٽ هلندڙ آهي. زمين تي قبضو ڪندڙن روينيو ڊپارٽمينٽ، ملير ڊولپمينٽ اٿارٽي ،اينٽي انڪروچمنت سيل ۽ حد جي پوليس کي ڪروڙين رپيا رشوت ڏني وئي آهي نيب، اينٽي ڪرپشن، ايف آئي اي ۽ قانوني لاڳو ڪندڙ ادارا زمين تي ٿيندڙ قبضي جو نوٽيس وٺن هنن مطالبو ڪيو ته عديل اختر شيخ، صديق آدم جي پاران ٿيندڙ قبضن جي جاچ ڪري اربين رپين جي زمين کي بچائي وڃي ٻئي صورت ۾ احتجاج جو دائرو وڌايو ويندو.