ڪراچي جي ضلعي اوڀر ۾ ايس يو پي جي سالگرهه تقريب منعقد، ڪيڪ ڪاٽيو ويو

اڄ سنڌ تمام ڏکي صورتحال کي منهن ڏئي رهي آهي، سنڌي ماڻهو متحد ٿي ڪري پنهنجي حقن لاءِ جدوجهد ڪن: اڳواڻ

ملير (رپورٽ: عبدالرشيد مورجھريو) سنڌ يونائيٽيڊ پارٽي جي 18 سالگره تقريب ضلع اوڀر ڪراچيءَ ۾ ٿي گذري. تقريب ۾ پارٽي جي سالگره جو ڪيڪ پڻ ڪٽيو ويو. سالگره تقريب ۾ ڳالهائيندي ايس يو پي جي ڊويزن صدر ڊاڪٽر علي گبول، ايڊووڪيٽ فاروق احمد ڳورڙ، غلام شبیر راڄپر، فاروق ڀنگوار ، ايڊووڪيٽ صداقت علي ڳورڙ،، مير حاصل مري، محبوب علي کوسو، ۽ ٻين چيو ته اڄ کان 18 سال اڳ سنڌ جي مرد مجاهد سائين جلال محمود شاھ سنڌ يونائيٽيڊ پارٽي جو بنياد وڌو، جيڪو ٻوٽو سائين جلال شاھ پوکيو اڄ اھو وڌ وڻ ٿيو، اڄ سنڌ تمام ڏکي صورتحال کي منهن ڏئي رهي آهي، سنڌي ماڻهو متحد ٿي ڪري پنهنجي حقن لاءِ جدوجهد ڪن، هڪ طرف سنڌو درياهه تي ڪئنال اڏي سنڌ کي بنجر ڪرڻ جي سازش ٿي رهي آهي ته ٻئي پاسي سنڌ جا وسيلا سنڌي ماڻهن کان کسيا پيا وڃن. انهن جو وڌيڪ چوڻ هو ته سنڌ کي موجوده وقت ۾ تمام وڏا چئلينج درپيش آهن آهن سنڌ ۾ سياسي ۽ علمي فڪري لائين ڪمزور آھي، انھن چيو ته پيپلزپارٽي گذريل 17 سالن کان اقتدار ۾ آهي پر انهي سموري عرصي ڪرپشن ۽ خراب حڪمرانيءَ سبب سنڌ جو حالتون بد کان بدترين ٿيون آهن. انهن چيو ته سنڌي ماڻهن کي تعليم تي وڌ کان وڌ ڌيان ڏيڻو پوندو ۽ نظرياتي لائين ۽ ڌر جو طعين ڪرڻو پوندو، دوست دشمن سنڌ جي حقن لاءِ پنهنجو ڪردار ادا ڪرڻو پوندو، سنڌ يونائيٽيڊ پارٽي 18 سالن واري سفر ۾ سنڌ جي حقن لاءِ تمام وڏو ڪردار ادا ڪري جدوجهد ڪئي آهي، اسين سنڌي ماڻهن کي اپيل ڪيون ٿا ته سنڌي ماڻهن جو جياپو سياست ڪرڻ سان آهي ۽ سنڌ يونائيٽيڊ پارٽي سنڌ ۾ سنڌ جي حقن لاءِ عملي جدوجهد ڪئي آهي، اسان کي سردارن ڀوتارن جاگيردارن کي ڇڏي سنڌ يونائيٽيڊ پارٽي جو ساٿ ڏئي نظرياتي سياست ڪري سنڌ جي حقن لاءِ ڪم ڪرڻو پوندو .