جيڪب آباد ۾ ايس ٽي پي پاران سنڌو درياءَ مان ڪئنال ڪڍڻ خلاف احتجاجي ريلي ۽ ڌرڻو

سنڌ جي عوام جي پيٽ ۾ ڇرو هنيو ويو، سنڌو درياءَ مان نوان ڪئنال ڪڍڻ نه ڏينداسين: اڳواڻ

جيڪب آباد(رپورٽر) سنڌو تي ڌاڙو نامنظور سنڌ ترقي پسند پارٽي جيڪب آباد پاران مرڪزي سڏ تي سنڌوءَ مٿان غير قانوني ڪئنالن خلاف احتجاجي مظاهرو ڪيو ويو ريلي ڪڊي پريس ڪلب آڏو ڌرڻو ھنيو ويو احتجاجي ريلي ۾ سنڌ ترقي پسند پارٽي جي مرڪزي وائيس چيئرمين حيدر شاهاڻي، مرڪزي جنرل سيڪريٽري هوت خان گاڏهي پاران شرڪت ڪئي وئي جڏھن ته شڪارپور ڊويزن جي اڳواڻن توڙي مقامي قيادت وڏي انگ ۾ شرڪت ڪئي شڪارپور کان ايس ٽي پي اڳواڻ ڪامريڊ احسان جيھو پاران ساٿين سميت شرڪت ڪئي وئي پريس ڪلب آڏو ڌرڻو هنيو ويو حيدر شاهاڻي، هوت خان گاڏهي ۽ ٻين اڳواڻن خطاب ڪندي چيو ته پيپلزپارٽي هميشه اقتدار خاطر سنڌ جي عوام جي پيٽ ۾ ڇرو هنيو آهي جنهن عوام جي ڪري انهن کي وڏ وزارت ۽ ايوان صدر مليو آهي پيپلزپارٽي ۽ ايم ڪيو ايم ۾ فرق ناهي رهيو پيپلزپارٽي اڳ ايم ڪيو ايم سان گڏجي سنڌ ورهائڻ جي سازش ڪئي سنڌ جي عوام اٿ کڙي ٿي آهي 8 ڊسمبر تي ڪراچي ۾ گورنر هائوس آڏو ڌرڻو هنيو ويندو اسان پنجاب جا رستا عارضي طور ڌرڻا هڻي بند ڪيا آهن اگر 6 ڪئنالن وارو فيصلو واپس نه ورتو ته مڪمل ڦيٿاروڪ ڪري پنجاب طرف ايندڙ ويندڙ رستا بند ڪيا ويندا جلسي کي ڊويزنل اڳواڻ عبدالرزاق لاشاري عبدالستار جاگيراڻي مجيد سرڪي نظام مستوئي عبدالنبي مگسي سميت ٻين خطاب ڪيو جڏھن ته شڪارپور مان ايس ٽي پي اڳواڻ ڪامريڊ احسان جيھو ساٿين سميت شرڪت ڪئي وئي ، احتجاجي ريلي ۾ شھرين ايس ٽي پي ڪارڪنن پاران وڏي انگ ۾ شرڪت ڪئي وئي