ٽائون چيئرمين نظير احمد ڀٽو جي آمد تي رهواسين پاران مٿس گلن جي ورکا ڪري شاندار استقبال ڪيو ويو
ملير (رپورٽ: عبدالرشيد مورجھريو) ابراهيم حيدري ٽائون ميونسپل ڪارپوريشن جي چيئرمين نظير احمد ڀٽو يوسي شاھ لطيف ۾ پيئڻ جي پاڻي ۔ سيوريج ۽ ٻين اسڪيمن جو افتتاح ڪيو ۔ ان موقعي تي سوين رهواسين پاران ٽائون چيئرمين نظير احمد ڀٽو جو شاندار استقبال ڪندي مٿس گلن جي ورکاء ڪئي ۽ پيئڻ جي صاف پاڻي۔ سيوريج سميت ٻيون بنيادي سهولتون ڏيڻ تي شڪريو ادا ڪيو ۔ افتتاحي تقريب بعد عوامي جلسي کي خطاب ڪندي ٽائون چيئرمين نظير احمد ڀٽو چيو ته پاڪستان پپلز پارٽي انسانيت جي خدمت ۾ يقين رکي ٿي۔ پارٽي چيئرمين بلاول ڀٽو زرداري جي منشور تي عمل ڪندي عوام کي بنا ڪنهن رنگ نسل ۔ ذات پات ۽ قوميت جي بنيادي سهولتون ڏيئي رهيا آهيون۔ ڻظير ڀٽو چيو ته سڀ کان پهريان اسين انسان آهيون بعد ۾ ذات پات ۽ قوميت آهيون۔ اسان تعصب جي سياست بدران محبت ڪندا آهيون ۔ ٽائون چيئرمين نظير احمد ڀٽو چيو ته شاھ لطيف جي عوام جا بنيادي مسئلا حل ڪري اسان پنهنجو فرض پورو ڪيو آهي. چيئرمين بلاول ڀٽو زرداري جي منشور تي عمل ڪندي عوام کي بنا ڪنهن فرق جي بنيادي سهولتون فراهم ڪري رهيا آهيون. انشاء الله ايندڙ هفتي اسڪول ۽ اسپتال جي بلڊنگ ۽ روڊ جو تحفو شاھ لطيف جي عوام کي ڌينداسين ۔ شاھ لطيف جي عوام هميشه پپلز پارٽي کي ووٽ ۽ سپورٽ ڪئي آهي کين اڪيلو نه ڇڏينداسين۔ سندن سمورا بنيادي مسئلا حل ڪري ماڊل سٽي بڻائينداسين. ان موقعي تي علائقا معززين ۔ پارثي اڳواڻن ٽائون ميمبرن ۽ ٻين پڻ پڻ خطاب ڪيو.
0 تبصرے