عمرڪوٽ ۾ 30 کان وڌيڪ آرا مشينن جي مالڪن پاران ٻيلي کاتي جي عملي خلاف ريلي ڪڍي ڌرڻو

آرا مشين مالڪن مشينن جي تالابندي ڪري جناح پارڪ کان پريس ڪلب تائين ريلي ڪڍي ڌرڻو ھنيو

عمرڪوٽ (رپورٽ:ڪانجي مل رکيسر) عمرڪوٽ شهر ۾ هلندڙ 30 کان وڌيڪَ ڪاٺين جا آرا، مشينن مالڪن پاران ٻيلي کاتي جي ناانصافين خلاف آرا ميشن بند ڪري جناح پارڪ کان پريس ڪلب تائين ريلي ڪڍي ڌرڻو هنيو ويو، انصاف جو مطالبو تفصيل موجب عمرڪوٽ ۾ آرا مشينن مالڪن پاران ٻيلي کاتي جي ناانصافين خلاف جناح پارڪ کان پريس ڪلب تائين ريلي ڪڍي احتجاجي مظاهرو ڪري سخت نعاريبازي ڪئي،ان کان پوءِ ڊي سي آفيس جي مک گيٺ آڏو ڌرڻو هڻي احتجاجي مظاهرو ڪيو ويو اسان سان انصاف ڪيو وڃي آرا مشينن ايسوسيشن جي ضلعي صدر علي کاڙت، عمران، اشوڪ ،ڪيلاش مالھي، اشوڪ ڪمار مالھي، ونود ڪمار، علي گل ٻٻر، صوبدار چانهيون، ڍولو ڀيل، شنڪر جٽيو ۽ ٻين وڏي انگ ۾ شرڪت ڪري احتجاجن طور پنهنجا آرا مشينون بند ڪرڻ جو اعلان ڪيو ۽ ھنن صحافين اڳيان دانهيندي چيو تہ ٻيلي کاتي پاران جنهن وڻن جي واڍي جي سختي سان منع ڪيل آهي اسان انھن وڻن جي ڪاٺي خريد نٿا ڪريون پوءِ بہ بنا جواز نوٽيس ڏئي هيسائي تنگ ڪيو پيو وڃي، اسان زميندارن کان سُڪل وڻ وٺون ٿا ۽ ان مان ڪاٺيون ڪڍي وڪرو ڪيون ٿا ان جي باوجود ٻيلي کاتي جا عملدار آرا ميشنن تي اچي ڏنڊ هڻي تنگ پيا ڪن، ھنن چيو تہ شهر جون سموريون آرا ميشنون ٻيلي کاتي جي عملدارن جي ناانصافين خلاف احتجاجن بند ڪيون آهن جيستائين اسان جا جائز مطالبا حل نٿا ڪيا وڃن تيستائين آرا مشينن بند رهنديون،ان موقعي تي اقليتي برادري سان تعلق رکندڙ صحافين سان ڳالهائيندي چيو ته اسان ۾ فوتڳي ٿيندي آهي ته اسين ان جي اڳني سنسار ڪرڻ لاءِ به ڪاٺـيون استعمال ڪيون وينديون آهن، جڏهن ته عمرڪوٽ شهر جي ڀرپاسي واري علائقن ۾ گئس جي سهولت نه هجڻ ۽ 30 کان وڌيڪ آرا مشينن جي بند ٿيڻ سبب شهرين، مٺائين جي دڪانن، هوٽلن، سميت گهرو رڌ پچاءُ لاءِ ڪاٺين جي کوٽ پيدا ٿيڻ جو خدشو ضعلي انتظاميا کي فورن نوٽس وٺي آرا مشينن مالڪن جا جائز مطالبا منظور ڪيا وڃن جئين شھرين کي ڪاٺي جي حوالي سان ڪا تڪليف نه ٿئي