ملير ۾ ٿيندڙ مڪاني ادارن جي ننڍي چونڊ ۾ پاڪستان پيپلزپارٽي ميدان ماري ورتو

يوسي بختاور تي پ پ جي نامزد اميدوار چيئرمين بابر علي مگسي 2493 ووٽ کڻي ڪامياب

ملير (ڊ ر) ملير ۾ ٿيندڙ مڪاني ادارن جي ننڍي چونڊ ۾ پاڪستان پيپلزپارٽي ميدان ماري ورتو، ملير جي يوسي بختاور تي پ پ جي نامزد اميدوار چيئرمين بابر علي مگسي 2493 ووٽ کڻي ڪامياب ٿي ويو، جڏهن ته يوسي شيرپائو جي وارڊ تي پ پ جو نامزد اميدوار جنرل ڪائونسلر آصف تنولي 994 ووٽ کڻي ڪاميابي ماڻي ورتي، پ پ اميدوارن جي ڪاميابي تي ڪارڪنن پاران جشن، گيتن تي جمهريون، هڪٻئي کي مٺايون کارائي مبارڪون ڏنيون، ملير ضلعو پاڪستان پيپلزپارٽي جو قلعو آهي ننڍي چونڊ ۾ عوام هڪ ڀيرو ٻيهر پ پ اميدوارن کي ڪامياب ڪري اعتماد جو اظهار ڪيو آهي: راجا رزاق بلوچ، خبر موجب: ملير ۾ ٿيندڙ مڪاني ادارن جي ننڍي چونڊ ۾ غير حتمي ۽ غير سرڪاري نتيجن موجب ملير ٽائون جي يونين ڪميٽي بختاور تي يوسي چيئرمين جي سيٽ تي ٿيندڙ ننڊي چونڊ ۾ پ پ جي نامزد اميدوار بابر مگس2493 ووٽ کڻي ڪامياب جڏهن ته جماعت اسلامي جي نامزد اميدوار نعمان احمد 528 ۽ پي ٽي آء جي نامزد اميدوار عزير علي 126 ووٽ کڻي سگهيو جڏهن ته يوسي شيرپاء جي وارڊ 4 جنرل ڪائونسلر تي ٿيندڙ چونڊ ۾ پ پ جي نامزد اميدوار آصف تنولي 994 جماعت اسلامي جي اميدوار اڪرم سواتي 362 ۽ پي ٽي آء جي اميدوار اعظم خان 131 ووٽ کڻي سگهيو. ٻئي طرف ملير مان پ پ اميدوارن جي ڪاميابي تي ڪارڪنن ۽ جيالن پاران جشن ملهايو ويو آتشبازي ڪري گيتن تي جمهريون هڻي هڪٻئي کي مٺايون کارائي مبارڪون ڏنيون، جڏهن ته ان حوالي سان پاڪستان پيپلزپارٽي ضلعي ملير جي صدر ۽ ايم پي اي راجا عبدالرزاق بلوچ صحافين سان ڳالهائيندي چيو ته ملير ضلعو پاڪستان پيپلزپارٽي جو قلعو آهي ننڍي چونڊ ۾ عوام هڪ ڀيرو ٻيهر پ پ اميدوارن کي ڪامياب ڪري اعتماد جو اظهار ڪيو آهي، اسين عوام جا شڪر گذار آهيون جن پاڪستان پيپلزپارٽي جي نامزد اميدوارن کي پنهنجو ووٽ ڏئي ڪامياب ڪرايو آهي.