ملير ۾ ڳوٺ اولڊ ٿاڻو سميت 8 ڳوٺن جي بجلي 5 ڏينهن کان بند، رهواسين جو ڌرڻو

رهواسين عبدالحڪيم قمبراڻي ۽ ٻين جي اڳواڻي ۾ ڪي اليڪٽرڪ خلاف مک روڊ بند ڪري احتجاج ڪيو ويو

ملير(رپورٽ: عبدالرشيد مورجھريو) ملير ۾ پ پ جي 2 ايم پي اي ۽ ڊپٽي ميئر جي ڳوٺ اولڊ ٿاڻو سميت 8 ڳوٺن جي بجلي 5 ڏينهن کان بند، رهواسي ڪي اليڪٽرڪ خلاف رستن تي نڪري آيا،احتجاجي مظاهرو ۽ ڏرڻو، انتظاميا خلاف نعري بازي، ملير سٽي ڏانهن ايندڙ ويندڙ گاڏيون بيهجي ويون، پوليس ۽ علائقي معززين ۾ ڳالهين بعد بجلي جلد بحال ڪرڻ جي خاطري تي ڌرڻو ختم، بجلي بند پيئڻ جو پاڻي اڻلڀ ٿي ويو آهن چونڊيل نمائندا خاموش تماشائي بڻيل آهن بل ڀرڻ باوجود سخت گرمي بجلي بند ڪري آزار ڪيو ويو آهي، بجلي بحال نه ڪئي وئي ته ٻيهر ڌرڻو هنيو ويندو، اڳواڻ تفصيل موجب ملير ۾ پ پ جي 2 ايم پي اي سليم بلوچ، راجا رزاق، ڊپٽي ميئر سلمان عبدالله مراد جي اولڊ ٿاڻو ۽ ڀرپاسي جي اولڊ ٿاڻو ،ڀرو وليج، سمون ڳوٺ، درمحمد ڳوٺ سميت 8 ڳوٺن جي بجلي 5 ڏينهن کان بند هجڻ خلاف رهواسين عبدالحڪيم قمبراڻي ۽ ٻين جي اڳواڻي ۾ ڪي اليڪٽرڪ خلاف مک روڊ بند ڪري احتجاجي مظاهرو ڪري ڏرڻو هنيو جنهن سبب ملير سٽي ڏانهن ايندڙ ويندڙ گاڏيون بيهجي ويون، مظاهرو ڪندڙ انتظاميا خلاف نعري بازي ڪري رهيا هئا ان دوران پوليس پهچي علائقي معززين ۾ ڳالهين بعد بجلي جلد بحال ڪرڻ جي خاطري تي معززن ڌرڻو ختم ڪيو ان سلسلي ۾ اڳواڻن چيو ته 5 ڏينهن کان بجلي بند هجڻ سبب اسڪولن، مسجدن، اسپتالن، گهرن ۾ پيئڻ جو پاڻي اڻلڀ ٿي ويو آهي بل ڀرڻ باوجود سخت گرمي بجلي بند ڪري آزار ڪيو ويو آهي ۽چونڊيل نمائندا مسئلن کان باخبر هجڻ باوجود خاموش تماشائي بڻيل آهن هنن مطالبو ڪيو ته خاطر باوجود بجلي بحال نه ڪئي وئي ته ٻيهر ڌرڻو هنيو ويندو