سنڌ زرعي يونيورسٽي ۾ "پڙاڏو سوئي سڏ" جي عنوان سان "پنجون لطيف لٽريچر اينڊ ميوزڪ فيسٽيول" اڄ ٿيندو

سراج انسٽيٽيوٽ آف سنڌ اسٽڊيز پاران مختلف ويھڪن تي ٻڌل فيسٽيول لاءِ تياريون مڪمل

ٽنڊوڄام (رپورٽر) سنڌ زرعي يونيورسٽي ۾ سراج انسٽيٽيوٽ آف سنڌ اسٽڊيز پاران "پڙاڏو سوئي سڏ" جي عنوان سان "پنجون لطيف لٽريچر اينڊ ميوزڪ فيسٽيول" ڇنڇر تي منعقد ڪيو ويندو، مختلف ويھڪن تي ٻڌل فيسٽيول لاءِ تياريون مڪمل ڪيون ويون آھن، خبر موجب سنڌ زرعي يونيورسٽي ۾ سراج انسٽيٽيوٽ آف سنڌ اسٽڊيز جي ميزباني ھيٺ ۽ سنڌ حڪومت تي ثقافتي کاتي جي سھڪار سان پنجون لطيف لٽريچر اينڊ ميوزڪ فيسٽيول ڇنڇر تي سنڌ زرعي يونيورسٽي جي مک آڊيٽوريم ھال ۾ منعقد ڪيو پيو وڃي، جنھن ۾ افتتاحي تقريب، فڪري ويهڪون، مھورت، ناٽڪن سميت مختلف ويھڪون ٿينديون، افتتاحي سيشن دوران ڀٽائي جي فقيرن پاران وائي سان شروعات ڪئي ويندي، جتي شرجيل انعام ميمڻ، سيد ذوالفقار علي شاھ، سردار محمد بخش مھر، وائيس چانسلر ڊاڪٽر فتح مري، سليمان شيخ، ۽ عبدالحميد آخوند موجود هوندا، جڏھن تہ شبير ڪنڀر جي ڪتاب "سنڌو لکت ۽ سراج" جي مھورت ٿيندي، جنهن ۾ اياز لطيف پليجو، بختاور مظھر، ۽ ٻين ناميارن پاران مختلف موضوعن تي تقريرون ٿينديون، ٽئين ۽ آخري سيشن ۾ غزل صديق ميزباني ڪندي ۽ انيسه ميمڻ جو لکيل گيت "ڀلي تو ڄڻيون ڌيئر امان" پيش ڪيو ويندو. تقريب ۾ سراج ايوارڊ پڻ ورهايا ويندا، تقريب ۾ صوبائي وزير شاھد عبدالسلام ٿھيم، ڊاڪٽر فھميدہ حسين ۽ ٻيا مھمان بہ ھوندا، جڏهن ته پروگرام جي آخر ۾ ميوزيڪل نائيٽ منعقد ٿيندي، جتي سيف سميجو، اختر درگاھي، نرملا مينگھواڻي، ۽ ٻيا راڳي پرفارم ڪندا، ان سلسلي ۾ مختلف تياريون مڪمل ڪيون پيون آھن، ان موقعي تي وائيس چانسلر ڊاڪٽر فتح مري پاران يونيورسٽي جي جوڙيل ڪاميٽين کان ڄاڻ ورتي ۽ پروگرام جي ڪاميابيءَ لاءِ مختلف ھدايتون پڻ جاري ڪيون.