سجاول شهر ۾ شيخ برادرين جي ڪکاون گهرن کي باھ وڪوڙي ورتو، 8 گهر سڙي رک

باهه سبب عبدالواحد، محمد اسماعيل، گل محمد، عبدالعليم، عبدالعزيز، عبدالله، عبيدالله ۽ لالو شيخ جا گهر سڙي ويا

سجاول (رپورٽر) سجاول شهر ۾ شيخ برادرين جي ڪکاون گهرن کي اوچتو باھ وڪوڙي ويئي، 8 گهر سڙي رک جو ڍير بنجي ويا. خبر موجب: سجاول شهر جي وارڊ نمبر 5 شيخ برادرين جي گهرن کي اوچتو باھ لڳڻ سبب عبدالواحد شيخ، محمداسماعيل شيخ، گل محمد شيخ، عبدالعليم شيخ، عبدالعزيزشيخ، عبدالله شيخ، عبيدالله شيخ ۽ لالو شيخ وارن جا 8 گهر سڙي رک جو ڍير بنجي ويا متاثرن جو چوڻ آهي ته اسان مزدوري لاءِ ويا هئاسين اچانڪ باه لڳڻ سبب اسان جا ڪکاوان گهر سڙي رک ٿي ويا گهرن ۾ پيل هند بسترا کاڌي پيتي جو ضروري سامان نياڻي جوڏاج ۽ پئيسا سڙي رک ٿي ويا، ضلع انتظاميه پاران اڃاتائين ڪنهن به اسانجي سار نه لڌي آهي اسان کلي آسمان هيٺ ويٺل آھيو. متاثرن ڊپٽي ڪمشر سجاول توڙي وس وارن کي مدد جي اپيل ڪئي آھي.