نوشهرو فيروز جي عوام پاران به ارسا ايڪٽ ۾ امڪاني ترميم ۽ نوان ڪئنال ٺاهڻ وارا منصوبا رد

ارسا قانون ۾ ترميم ڪنهن به صورت ۾ قبول ناهي، سنڌو درياهه تي 6 ڪينال ٺاهي سنڌ کي سُڪائڻ جي سازش ڪامياب نه ٿيندي: اڳواڻ

نوشهرو فيروز (ڊ ر)ارسا ۾ ترميم، سنڌو درياهه تي 6 ڪينال ٺاهڻ خلاف نوشهرو فيروز ۾ مختلف مختلف سياسي سماجي پارٽين جو پريس ڪلب نوشهرو فيروز آڏو احتجاج ڪيو ويو احتجاج جي اڳواڻي سنڌ يونائيٽيڊ پارٽي اڳواڻ خادم سيال، آصف حسيني، جنيد، فرمان نول، جيئي سنڌ قومي محاذ جو اياز راڄپر، اسد عمراڻي، رحمان تڳر، اين پي پي اڳواڻ معشوق ڪورائي، عمران جتوتي، خوشي محمد مغل، جسقم (ص) جو صوفي خالد چنه، جيئي سنڌ محاذ جو گدا حسين ۽ ٻيا ڪري رهيا هئا ان موقعي تي اڳواڻن چيو ته ارسا قانون ۾ ترميم ڪنهن به صورت ۾ قبول ناهي جڏهن ته سنڌو درياهه تي 6 ڪينال نه ٺهڻ گهرجن ڇو ته 6 ڪينال ٺهڻ سان سنڌ جي تقريبن 48 کان 50 لک ايڪڙ غير آباد ٿي ويندا، جنهن جو مطلب لڳ ڀڳ اڌ سنڌ تباھ ٿي ويندي، ۽ ڪراچي ۾ پيئڻ لاء پاڻي نه ملندو پيئڻ جي پاڻي لاء ترسنداسين، هن چيو ته اگر سمنڊ ۾ پاڻي نه وڃڻ ڪري سمنڊ ابتو وهندو تنهنڪري ٺٽو، سجاول، بدين مڪمل طور سمنڊ ۾ هليا ويندا، هن چيو ته 6 ڪينال ٺاهڻ سان ڪجهه مخصوص ڪمپنين کي فائدو پوندو ان کي گرين ڪمپني جو نالو ڏنو ويو آهي، جيڪو فائدو ڪجه ڪمپنين لاء ته هوندو پر ڪروڙين عوام لاء تباهي هوندي، هنن چيو ته 6 ڪينال ٺاهڻ جي حمايت ڪرڻ تي اسان آصف علي زرداري کان استعيفا جو مطالبو ڪريون ٿا، هنن وڌيڪ چيو ته جيڪڏهن ارسا قانون ۾ ترميم ۽ 6 نوان ڪينال ٺاهڻ جو منصوبو واپس نه ورتو ويو ته ملڪ گير احتجاج ڪنداسين.