سجاول ۾ به نون ڊيمن ۽ ارسا ايڪٽ ۾ امڪاني ترميم خلاف عوام روڊن تي نڪري آيو

سنڌو تي نوان ڊيم ٺائڻ لاءِ صدر آصف زرداري منظوري ڏئي سنڌ دشمني جوثبوت ڏنو آهي: اڳواڻ

سجاول (گلشيرميربحر ) ارسا ايڪٽ ۾ ترميمن، ڪالاباغ سميت نوان ڊيم ٺاهڻ، سنڌو درياءَ مان ڪينال ڪڍڻ خلاف مختلف تنظيمن پاران سنڌ ترقي پسند پارٽي ضلع سجاول جو اڳواڻ محمد جمن سنڌي،عبدالغني ملاح، ممتاز لغاري، گل حسن رند، شهيد ڀٽو اڳواڻ نثاراحمد ميمڻ، شهري اتحاد اياز نياز احمد ميمڻ، مولوي حسن ميمڻ، جي يو آئي اڳواڻ مولوي اشرف ميمڻ، مولوي انور سومرو، جئي سنڌ معاز جو اڳواڻ نعمان شورو، ايس يوپي اڳواڻ گل نواز رند، پي ٽي آئي اڳواڻ عمران شاه، صوفي سنگت سلطان کوسو، وڪيل شبير ڪنڀار جي اڳواڻي ۾ مامو لاڏو چوڪ کان پبلڪ پارڪ تائي ريلي ڪڍي مظاهرو ڪيو ويو، ان موقعي تي مظاهري کي خطاب ڪندي اڳواڻن چيو ته سنڌو تي نوان ڊيم ٺائڻ لاءِ صدر آصف زرداري منظوري ڏني آھي جيڪا سنڌ دشمن پاليسي آهي جيڪو سنڌ جي ماڻھن کي جئيري مارڻ برابر آھي سنڌ پھريان کان پاڻي کوٽ کي منھن ڏئي رھي آھي ھاڻي ڪالا باغ ڊيم کان به وڌيڪ خطرناڪ منصوبو جوڙيو پيو وڃي. اھڙن سنڌ دشمن منصوبن کي سنڌ جو عوام مڪمل رد ڪري ٿوسنڌو درياء مٿان ڪو به ڊيم ۽ نوان غير قانوني ڪيئنال ڪنهن به صورت ۾ برداشت نه ڪنداسين.