نوشهرو فيروز ۾ ڳوٺ محمد صفر ابڙو واسين جو ماھي ڀاڻ پوليس خلاف احتجاج، نوجوان کي کنڀي گم ڪرڻ جو الزام

نوشهرو فيروز ۾ ڳوٺ محمد صفر ابڙو واسين جو ماھي ڀاڻ پوليس خلاف احتجاج، نوجوان کي کنڀي گم ڪرڻ جو الزام

نوشهرو فيروز (ڊر) ڳوٺ محمد صفر ابڙو جي رھواسين ماھي ڀاڻ پوليس اھلڪارن جي زيادتين خلاف احتجاج ڪيو. ڳوٺاڻن پريس ڪلب نوشهروفيروز آڏو احتجاجي مظاهرو ڪيو ۽ پوليس تي ھڪ ڄڻي آصف ابڙو کي کنڀي غائب ڪرڻ جو الزام ھنيو. ان موقعي تي سليمان، محمد اصغر، حاجي حاڪم، امين ابڙو ۽ ٻين چيو ته ماھي ڀاڻ پوليس نوجوان آصف کي کنڀي وئي آھي ۽ پنج ڏينھن گذرڻ باوجود پوليس نوجوان کي ظاھر نه ٿي ڪري. ھنن چيو ته نوجوان کي کنڀڻ ۾ اھلڪار حضور بخش گوپانگ ۽ شھمير مھيسر ملوث آھن ۽ اھلڪارن علائقي جي بااثرن رمضان ابڙو، خير محمد، مظھر، عبدالرحمان کان پيسا وٺي غائب ڪرايو آھي. ڇاڪاڻ ته بااثرن سان زمين جي مسئلي تي تڪرار ھلندڙ آھي. ھنن چيو ته ڊي ايس پي ڪمال ديرو سان مليا آھيون ان به اسان کي ٻڌايو آھي ته نوجوان آصف کي اھلڪارن کنڀي غائب ڪيو آھي. ھنن چيو ته نوجوان جي زندگي خطري ۾ آھي. ھنن چيو ته نوجوان کي ظاھر ڪيو وڃي. ٻي صورت ۾ احتجاج جو دائرو وڌايو ويندو.