پاڪستان اسٽيل ملز جي اسڪولن ۾ برطرف استادن ۽ ماسترياڻين جو ڌرڻو

پاڪستان اسٽيل ملز جي اسڪولن ۾ برطرف استادن ۽ ماسترياڻين جو ڌرڻو

ملير (درياخان شر) پاڪستان اسٽيل ملز جي اسڪولن ۾ ڪانٽريڪٽ تي ملازمت ڪندڙ استادن جو نوڪري مان جبري برطرفي خلاف ايجوڪيش ڊپارٽمينٽ سامهون ڌرڻو ھنيو ويو، (خبر موجب) پاڪستان اسٽيل ملز جي اسڪولن ۾ ڪانٽريڪٽ تي ملازمت ڪندڙ استادن استادياڻين جو نوڪري مان جبري برطرفي خلاف ايجوڪيش ڊپارٽمينٽ سامهون احتجاجيمظاھرو ڪري ڌرڻو ھنيو ويو، مظاھرين جي اڳواڻي استادن محمد ياسين سمون ، عبدالستار لاشاري ،ميڊم عاليا ،ميڊيم صباء ،ميڊيم نازيا يعقوب ،ميڊيم حرا ۽ عفت خٽڪ ڪري رھيا ھئا، ايجوڪيشن ڊپارٽمينٽ انچارچ ڊپارٽمينٽ کي تالا لڳائي هليو ويو ، سندن چوڻ ھو تھ 60 ملازمن کي جبري برطرف ڪيو ويو آھي جنهن سبب پنج اسڪول ۽ 2 هزار اسڪولي شاگردن جو مستقبل داع تي لڳي ويو آھي ۔20 سالن کان اسڪولن ۾ نوڪريون ڪري رهيا آھيون اوچتو انتظاميا آفيس ۾ گهرائي ڪري نوڪرين تان جبري برطرفي جو چيو آھي اڄ صبح آفيس گهرائي برطرفي جو زباني چيو آهي انتظاميا لکت ۾ ناهي ڏنو ۔استادن کي اوچتو جبري برطرف ڪرڻ معاشي قتل آھي ۔اسانجا ننڌڙا ٻار آھن اسان فاقاڪشي تي مجبور ٿي وينداسين ۔اسانجي عمر پنجاه سالن تائين آھي اسانکي ڪير نوڪري ڏيندو گهر جا ڳرا بل ڪيئن ڀرينداسين ۽ ٻارن جو پيٽ ڪيئن پالينداسين ۔وزيراعظم شھباز شريف ۽ بلاول ڀٽو زرداري نوٽس وٺي اسانجون نوڪريون بحال ڪرائين ۔ جيڪڏهن اسانکي بحال نه ڪيو ويو ته تحريڪ هلائينداسين ۔