عمرڪوٽ ۾ خدا بخش درس ۽ سندس گارڊ جي قاتلن جي گرفتاري لاءِ احتجاجي مظاھرو

عمرڪوٽ ۾ خدا بخش درس ۽ سندس گارڊ جي قاتلن جي گرفتاري لاءِ احتجاجي مظاھرو

عمرڪوٽ(ڊ ر) عمرڪوٽ ۾ حرجماعت جي معزز شخص اڳوڻي تعلقي ناظم کپرو خدا بخش درس ۽ گارڊ عبدالخالق درس جي قاتلن جي گرفتاري لاء پريس ڪلب آڏو حر جماعت، فنڪشنل ليگ اڳواڻن، ايم ايس ايف اڳواڻن ۽ سياسي سماجي حلقن جو احتجاجي مظاھرو، ڌرڻو، سخت نعري بازي، حڪومت کي نوٽيس وٺي قاتلن جي گرفتار ڪرڻ جو مطالبو. خبر موجب 10 ڏينهن اڳ کپرو ۾ گوليون هڻي بيدردي سان قتل ڪيل اڳوڻي تعلقه ناظم کپرو خدا بخش درس ۽ گارڊ عبدالخالق درس جي قاتلن جي گرفتاري لاء پريس ڪلب عمرڪوٽ آڏو حر جماعت فنڪشنل مسلم ليگ پاران قاتلن جي گرفتاري لاء احتجاجي ريلي ڪڍي مظاھرو ڪري ڌرڻو هنيو ويو احتجاج ۾ فنڪشنل مسلم ليگ جي عھديدارن، ايم ايس ايف جي نوجوانن سميت شھر جي سياسي ۽ سماجي حلقن وڏي انگ ۾ شرڪت ڪئي ان موقعي تي اڳواڻڻ فقير غلام نبي منڱريو، فقير محب منڱريو، عارف مھر، رمضان راڄڙ، جمشير منگريو، اسحاق منگريو، حسن منگريو، خليفو شير مھر، حاجي سومار درس، غفار ناگوري ۽ ٻين خطاب ڪندي چيو ته سياسي آشرواد ۽ پوليس جي ملي ڀڳت سبب قاتل سرعام گهمي رهيا آهن ايس ايس پي سانگهڙ قاتلن کي پروٽوڪول ڏئي ڀڄايو آهي قاتل کي سياسي ماڻھو بچائڻ لاء سرگرم ٿي آھن اسان واقعي جي سخت لفظن ۾ مذمت ڪريون ٿا ۽  مطالبو ٿا ڪريون ته فوري طور قاتلن کي گرفتار ڪيو وڃي نه ته ٻي صورت ۾ احتجاج جو دائرو وڌايو ويندو