ڪراچي جي ڇوٽا گبول ڳوٺ مان نوجوان مبينا کنڀي ويو، وارثن جو احتجاجي مظاھرو

ڪراچي جي ڇوٽا گبول ڳوٺ مان نوجوان مبينا کنڀي ويو، وارثن جو احتجاجي مظاھرو

ڪراچي (اسٽاف رپورٽر)ڪراچي جي سھراب ڳوٺ ٿاڻي جي حد ڇوٽا گبول مان 18ورھين جي نوجوان مجيب ولد مريد علي چولياڻي کي سول ڊريس ۾ ملبوس اھلڪارن گھر مان زبردستي کنڀي کڻي ويا. نوجوان جي گھر ۾ روڄ راڙو متل. امڙ ۽ گھر سندس گھر واري کي بيھوشي جا دورا پوڻ شروع ٿي ويا. نوجوان جي بازيابي لاء گھر ۾ قرآن خواني صلوات جو ورد جاري آھي. نوجوان جي بازيابي لاء وارثن پاران معصوم ٻارڙن سان گڏ احتجاجي مظاھرو ڪيو. ان موقعي تي مظاھرين چيو ته رات جو ٽي وڳي سول ڊريس ۾ ملبوس اھلڪارن چادر ۽ چار ديواري جو تقدس پامال ڪري 18 ورھين جي نوجوان مجيب الرحمن چولياڻي کي بيگناھ گھر مان زبردستي کنڀي کڻي ويا آھن. جنھن جو ٽن ڏينھن کان ڪٿي ڪوبه ڏس پتو ناھي پئجي سگھيو. ھنن چيو ته اسين سھراب ڳوٺ ٿاڻي سميت مختلف ٿاڻن جا چڪر ڪاٽي چڪا آھيون پر نوجوان مجيب الرحمن جي ڪٿي ڪابه انٽري داخل ناھي. ھنن چيو ته مجيب الرحمن چولياڻي 18 ورھين جو آھي جنھن جي شادي ٻه مھينا اڳ ٿي آھي ۽ مجيب الرحمن فيڪٽري تي محنت مزدوري ڪندو آھي. بيگناھ پوليس اسان جي نوجوان کي کڻي گم ڪيو آھي اگر اسان جو نوجوان ڪنھن ڏوھ ۾ ملوث آھي ته ان کي ظاھر ڪري ڪورٽ ۾ ڪيس ھلايو وڃي. ھنن سپريم ڪورٽ. سنڌ ھاء ڪورٽ. وزيراعلي سنڌ. آء جي سنڌ. ايڊيشنل آء جي ڪراچي. ايس ايس پي اوڀر کان مطالبو ڪيو ته اسان جي نوجوان کي ظاھر ڪري چادر ۽ چار ديواري جو تقدس پامال ڪندڙ اھلڪارن خلاف قانوني ڪاروائي ڪري انصاف فراھم ڪيو وڃي