ٽنڊو آدم: وفاقي سرڪار پاران ڪاٽن جنرس تي ٽئڪس لڳائڻ خلاف ڪاٽن فيڪٽري مالڪن پاران 40 فيڪٽريون بند رکي احتجاج

ٽنڊو آدم: وفاقي سرڪار پاران ڪاٽن جنرس تي ٽئڪس لڳائڻ خلاف ڪاٽن فيڪٽري مالڪن پاران 40 فيڪٽريون بند رکي احتجاج

ٽنڊو آدم (حسنين علي ساند) وفاقي سرڪار پاران ڪاٽن جنرس تي ٽئڪس لڳائڻ خلاف ٽنڊوآدم جي ڪاٽن فيڪٽري مالڪن پاران 40 فيڪٽريون بند رکي احتجاجي مظاهرو، ٽئڪس واپس نه ٿيڻ تائين فيڪٽريون نه هلائڻ جو اعلان، رپورٽ موجب وفاقي حڪومت پاران بجيٽ ۾ ڪاٽن جنرس تي ٽئڪس لاڳو ڪرڻ جي اعلان بعد ٽنڊي آدم ۾ فيڪٽري مالڪن 40 ڪاٽن فيڪٽريون بند ڪري احتجاجي مظاهرو ڪرڻ بعد پاڪستان ڪاٽن جنرس ايسوسيئيشن ٽنڊو آدم جي اڳواڻن هريش ڪمار ويڌاڻي، مڪيش ڪمار، پريم چند، نارو مل ، ڀاون داس پريس ڪانفرنس ڪندي چيو آھي ته مهانگائي سبب ڪاروبار ڪرڻ مشڪل بڻجي ويو آھي مٿان وري وفاقي حڪومت پاران ڪاٽن جنرس تي ٽئڪس بم ڪيرائي ڇڏيو جنهن سبب هي صنعت به تباھ ٿي ويندي۔ هنن چيو ته وفاقي حڪومت ڪاٽن جنرس کي رليف ڏيڻ بجاء نوان ٽئڪس لڳائڻ سميت بجلي ۽ گئس جا اگھ به وڌائي ڇڏيا آھن جنهن سبب ڪارخانا هلائي نٿا سگهون انڪري مجبورن ڪاٽن فيڪٽرين کي بند ڪري ڦٽي جي خريداري نه پيا ڪريون۔ هنن وفاقي حڪومت کان گهر ڪئي ته ڪاٽن جنرس تي لڳايل ٽئڪس واپس ورتا وڃن ان موقعي تي هنن اعلان ڪيو ته جيستائين مسئلو حل نه ٿيندو ان وقت تائين ڪاٽن فيڪٽريون بند رهنديون۔