ڳيريلو: ڳوٺ محراب سنديلو ۾ شرپسندن پاران 9 جريبن جي ڪڻڪ جي ديري کي باھھ

ڳيريلو: ڳوٺ محراب سنديلو ۾ شرپسندن پاران 9 جريبن جي ڪڻڪ جي ديري کي باھھ

ڳيريلو (رپورٽر) ڳيريلي ويجهو ڳوٺ محرابِ سنديلو ۾ مبينا شرپسندن 9 جريب ڪڻڪ جي ديري کي باھ ڏئي ڇڏي جنهن جي نتيجي ۾ لکين روپين جي ڪڻڪ سڙي رک ٿي وئي مسڪين هارين جا ٻئي هٿ مٿي تي اچي ويا ان ڏس ۾ هارين منظور بروهي ۽ محمد عثمان ميڊيا اڳيان دانهيندي چيو آهي ته مبينا شرپسندن اسان جي 9جريبن جي ديري کي باھ ڏئي ڇڏي جنهن جي نتيجي ۾ سمورو ديرو سڙي رک ٿي ويو، هنن وڌيڪ چيو ته اسان پنهنجي مدد پاڻ تحت باھ تي ضابطو آڻڻ جي ڪوشش ڪئي پر باھ نه وسامي سگهي جنهن ڪري اسان جي لکين رپين جي ڪڻڪ ڏسندي ڏسندي اکين اڳيان سڙي رک ٿي وئي هنن چيو ته اسان مسڪين هاري آهيون ظالمن ٻچن جي روزگار کي ساڙي خاڪ ڪري ڇڏيو، ٻئي طرف ڳيريلو پوليس رابطي تي ميڊيا کي ٻڌايو ته اسان کي اهڙو اطلاع ناهي مليو متاثرن جي اچڻ بعد جاچ ڪئي ويندي ، جڏهن ته متاثر هارين ڊي سي لاڙڪاڻو ۽ ٻين وس وارن کي اپيل ڪئي آهي ته مالي سهائتا ڪئي وڃي