نصيرآباد ۾ قومپرست اڳواڻ ھدايت لوھار جي قاتلن جي گرفتاري لاءِ 19ھين ڏينھن بھ احتجاج جاري

views | 05th Mar 2024 • سنڌي خبرون

نصيرآباد ۾ قومپرست اڳواڻ ھدايت لوھار جي قاتلن جي گرفتاري لاءِ 19ھين ڏينھن بھ احتجاج جاري

نصير آباد(رپورٽر) قومپرست اڳواڻ ۽ استاد هدايت لوهر جي قاتلن جي گرفتاري لاءِ اوڻويهين ڏينهن به نوناري محلي کان ٿاڻي تائين مظاهرين وات تي ڪاريون پٽيون ۽ تالا ٻڌي زبردست احتجاجي ريلي ڪڍي. احتجاجي ريلي کي ۽ ميڊيا سان ڳالهائيندي ڪنوينر سسئي لوهار چيو ته اڄ تائين بابا جا قاتل هدايت ﷲ بجاراڻي ۽ غلام محمد پٽ محمد رمضان گرفتار نه ٿا ڪيا وڃن نه وري صاف ۽ شفاف انڪوائري ٿي ڪئي وڃي، بابا جا جيستائين قاتل گرفتار نه ٿا ڪيا وڃن تيستائين اسان جي جدوجهد جاري رهندي، اسين هن شھر جي روز جي بنياد تي ٿيندڙ احتجاج جو دائرو وسيع ڪندي سنڌ جي ٻين شهرن ڏانهن کڻي وينداسين، هن تحريڪ کي سومر ۽ جمعي تائين رکندي بقايا ڏينهن سنڌ جي ٻين شهرن ڏانهن رک ڪنداسين ۽ عالمي ضمير کي جاڳائينداسين ته سنڌين جي نسل ڪشي تي آواز اٿاريو ۽ هن بدبودار سسٽم کي للڪاريو، احتجاجي ريلي ۾ هدايت لوهر جون تصويرون، ڪارا جهنڊا کڻي عورتن جي جهجي تعداد پڻ شرڪت ڪئي،احتجاجي ريلي کي سسئي لوهر، سورٺ لوهر، ڪامريڊ عاشق نوناري، فقير علي گل ڪانڌڙو ۽ عليزا کوسو پڻ خطاب ڪيو.