ٺٽو: گجي شھر ويجھو ڳوٺ علي ميربحر جي رھواسين جو احتجاج

ٺٽو: گجي شھر ويجھو ڳوٺ علي ميربحر جي رھواسين جو احتجاج

ٺٽو(ڊر) گجي شھر لڳ ھالاٺ جي ڳوٺ علي ميربحر جي ڪيترن ئي رھواسي مردن توڙي عورتن پنھنجي معصوم ٻارڙن سان گڏ بااثر ماڻھن جي زيادتين توڙي کين پنھنجي ئي گھرن مان بيدخل ڪري سندن گھرن کي ڊاھڻ واري عمل خلاف گجو شھر ۾ ھڪ احتجاجي مظاھرو متاثر ڳوٺاڻن سومار ميربحر، احمد علي، عرس، عثمان، صديق، ڇڇر ميربحر، زليخان، حاجران ۽ مارويء جي اڳواڻيء ۾ ڪندي چيو تہ ھو ابن ڏاڏن کان سرڪاري ڀڏي تي ڳوٺ آباد ڪري رھائش پذير آھن، پر اتان جي مقامي زميندارن امير پليجو ۽ ٻين سندن جيئڻ جنجال بنائي ڇڏيو اھي، ھنن الزام ھڻندي چيو تہ باثر زميندار امير پليجو ۽ ٻين طرفان سندن گھر ڊاھي کين ڳوٺ مان لڏائڻ چاھي ٿو، جنھن ٻوڏ دوران سرڪار طرفان ڊھي ويل گھرن جي لاء مليل رقم مان ھنن ھڪ گھر جي اڏاوت ڪئي جيڪا پڻ ڊاھي پٽ ڪري کين لڏي وڃڻ جون ڌمڪيون ڏنيون پيون وڃن. ھنن اعليٰ اختياريون کي اپيل ڪئي تہ نوٽيس وٺي کين انصاف فراھم ڪري کين بيدخل ٿيڻ کان بچائي کين پريشان ڪندڙن خلاف ڪاروائي ڪئي وڃي ٻئي صورت ۾ سخت احتجاج ڪيو ويندو، ھوڏانھن سنڌ ملاح فورم جي اڳواڻن ڏاڏا آدم گندرو، محمد ايوب ملاح، محمد خان ملاح، عبدالڪريم الھبخش ميراڻي، عرس گندرو، عيدو ميربحر ۽ ٻين گجو لڳ ڳوٺ علي ميربحر جي رھواسين سان بااثر ماڻھن پاران ڪيل زيادتين واري عمل جي سخت لفظن ۾ مذمت ڪندي چيو اھي تہ ھو ملاح برادري سان ڪابہ ناانصافي برداشت نہ ڪندا، بااثر زميندارن ملاحن سان ٿيندڙ ناانصافين جو ازالو نہ ڪيو تہ سخت احتجاج ڪيو ويندو، ھنن پڻ متاٿر ملاحن سان انصاف ڪري ساڻن ٿيل زيادتين جو ازالو ڪرڻ جي گھر ڪئي