اياز لطيف پليجي پاران ڪراچي ۾ آپريشن دوران ٻارڙي جي قتل واري واقعي جي مذمت

اياز لطيف پليجي پاران ڪراچي ۾ آپريشن دوران ٻارڙي جي قتل واري واقعي جي مذمت

حيدرآباد(بيورو) قومي عوامي تحريڪ جي سربراھ اياز لطيف پليجي ڪراچي ۾ ٻوڏ متاثرن جا گھر ڊاھڻ جي ڪوشش دوران ھڪ متاثر ٻار جي قتل واقعي جي مذمت ڪندي چيو آھي تہ ڪراچي ۾ پوليس ۽ ايم ڊي اي متاثر ڳوٺاڻن سان ظلم ڪيو آھي. ڪراچي ۾ لکين غير قانوني افغاني ۽ ٻيا پرڏيھي ويٺا آھن، انھن جي نيڪالي لاء ڪڏھن بہ سنجيده آپريشن نہ ٿيو آھي پر سنڌي ماڻھن لاءِ ڌرتي تنگ ڪئي وئي آھي. نگران حڪومت پيپلز پارٽي حڪومت جو تسلسل ثابت ٿي آھي، پيپلز پارٽي حڪومت چاھي ھا تہ ٻوڏ سبب ڪراچي آيل ڌرتي ڌڻين کي سرڪاري پلاٽ ڏئي مسقتل ڪري ھا، انھن کي ٿيل نقصان جو معاوضو ڏئي ھا پر افسوس آھي جو ڪراچي ۾ سڄي ملڪ کان ماڻھو اچي رھي سگھن ٿا ۽ سڄي دنيا کان تڙيل ماڻھو اچي پناھون وٺي سگھن ٿا پر سنڌي ماڻھن کي پنھنجي ئي شھر ۾ رھڻ جو حق ناھي. اياز لطيف پليجي چيو تہ ٻوڏ متاثرن کي بي گھر ڪرڻ بدران انھن کي پلاٽ ڏئي مستقل ڪيو وڃي. ٻوڏ متاثر ٻار جي قتل ۾ ملوث اهلڪارن خلاف ڪارروائي ڪئي وڃي. اياز لطيف پليجي چيو تہ ڪراچي مان لکين غير قانوني پرڏيھي واپس پنھنجن ملڪن ڏانھن موڪليا وڃن.