ڏوڪري ويجھو ڳوٺ احمد ميتلا ۾ ھارين جي ڏھاڙي تي تقريب منعقد

ڏوڪري ويجھو ڳوٺ احمد ميتلا ۾ ھارين جي ڏھاڙي تي تقريب منعقد

ڏوڪري(رپورٽر) شهيد ذوالفقار علي ڀٽو زرعي ڪاليج ڏوڪري ۽ زرعي يونيورسٽي فيصل آباد جي تعاون سان ڳوٺ احمد ميتلا ۾ ھاري ڏھاڙو ملهائڻ واري تقريب ڪوٺائي وئي.تقريب ۾ علائقي جي ھارين ۽ آبادگارن وڏي انگ ۾ شرڪت ڪئي.انهي موقعي تي زيڊ اي ڀٽو زرعي ڪاليج ڏوڪري جي اينٽامالاجي کاتي جي پروجيڪٽ ڊائريڪٽر ڊاڪٽر شاهجهان راجپوت، ڪاليج جي پرنسپال ڊاڪٽر سلطان احمد ميتلو، حرا پاڪستان پرائيويٽ لميٽيڊ جي سي او عدنان زهري، ڊاڪٽر شاھنواز کھڙو،ڊاڪٽر عبدالحميد ميمڻ،ڊاڪٽر ھارون ھليو،ڊاڪٽر ذوالفقار عباسي،ڊاڪٽر عبدالحنان ٻرڙو،عبدالخالق سنديلو ۽ ٻين خطاب ڪندي چيو ته موسمياتي تبديلين سبب گذريل ٻن ٽن سالن زيتونن جي باغن ۾ ميلي بگ جيت فروٽ فلاءِ جو حملو ٿيو آهي جنهن باغن کي ڪافي نقصان پھچايو آهي.ھنن چيو ته زيتونن جي باغن تي مسلسل جيت مار ڦوهارو ڪرڻ سبب منفي اثر پيا آهن، ڦوهاري سبب انسان دوست جيتن جو خاتمو ۽ ماحولياتي آلودگي پڻ ٿي رهي آهي.انهي ڪري ھنن سنڌ جي زيتونن جي باعائن کي صلاحون ڏيندي چيو ته آبادگارن کي گهرجي تہ زيتونن جي ٻوٽي کي ھوا ۽ روشتي پهچائڻ جو بندوبست ڪيو وڃي.ميلي بگ کان بچاءَ لاءِ ٻوٽي جي ھر قطار ۾ مفاصلو ھئڻ ضروري آهي. ٻوٽن کي گندگاه کان صاف رکيو وڃي، فيبروري مارچ جي وچ دوران سيلپري ٽيپ جو استعمال ڪيو وڃي جيئن ميلي بگ سميت ٻيا نقصانڪار ڪيڙا ٻوٽي چڙهي نه سگهن. آبادگارن کي گهرجي ته بائيو ڪنٽرول ليبز سان رابطو ڪرڻ گهرجي،. جيت مار دوائن ۾ 3-4 چمچا ڊٽرجنت پائوڊر ۽ گاسليٽ ملائي استعمال ڪيو وڃي.نم جي پنن جو تيل AKK extract مهيني ۾ 3 دفعا ڏيڻ گهرجي.انهي موقعي تي ڊاڪٽر شاهجهان راجپوت چيو ته ھن وقت اسان جا ٽن ھنڌن ڳوٺ احمد ميتلا، ڳوٺ حڪيم سنديلو ۽ ماهوٽا ۾ پراجيڪٽ ۾ گذريل سال کان ھلندڙ آهي جنهن بهتر نتيجا ڏنا آهن. انهي موقعي تي شيلڊ ڏنيون ويون.