ڏھرڪي ۾ الخدمت فائونڊيشن پاران انسانيت جي نالي هڪ شام منعقد

ڏھرڪي ۾ الخدمت فائونڊيشن پاران انسانيت جي نالي هڪ شام منعقد

ڏھرڪي (عمران علي ملڪ )انسانيت جي نالي تي هڪ شام، الخدمت فائونڊيشن سڄي ملڪ وانگر ضلعي گهوٽڪي ۾ به خدمت خلق ۾ مصروف آهي الخدمت جي خدمتن کي وڌيڪ وڌائڻ لاءِ الخدمت فائونڊيشن پاران گرانڊ مارڪي ميريج هال ڏهرڪي ۾ ڊنر جو پروگرام منعقد ڪيو ويو، جنهن ۾ صحت، يتيم ٻارن جي ڪفالت، صاف پاڻي، قدرتي آفتن ۾ متاثرن جي مدد، تعليم ۽ تفريح جي ست شعبن جي سالياني ڪارڪردگي رپورٽ پيش ڪئي وئي جنهن ۾ ٻڌايو ويو ته الخدمت اسپتال جي 24 ڪلاڪ ايمرجنسي سروس، 24 ڪلاڪ ايمبولينس سروس، 24 ڪلاڪ ليب 50 سيڪڙو رعايت تي ۽ 24 ڪلاڪ الخدمت فارميسي جي 12 کان 14 سيڪڙو رعايت، 350 يتيم ٻارن جي اسپانسر ڪرڻ جو هڪ وڏو پروگرام هلندڙ آهي جنهن ۾ يتيم ٻار آغوش ڪاليج مري ۽ آغوش ڪاليج هالا حيدرآباد سميت ڏهرڪي شهر جي سٺ 60 پرائيويٽ اسڪولن ۾ معياري تعليم حاصل ڪري رهيا آهن. الخدمت فائونڊيشن سال 2015 کان انهن سڀني ٻارن جي تعليم، خوراڪ ۽ بهتر مستقبل لاءِ ڪم ڪري رهي آهي. سماجي خدمت ڊپارٽمينٽ پاران غريب ۽ مسڪين خاندانن ۾ مفت راشن جي ورهاست، مستحق معذورن ۾ ويل چيئرز ۽ سياري جي موسم ۾ غريب خاندانن ۾ گرم ڪپڙا ۽ ڪمبل ورهايا ويندا آهن. صاف پاڻي جا پلانٽ لڳائي عوام کي صاف پاڻي فراهم ڪيو پيو وڃي، جنهن سان هزارين ماڻهو بيمارين کان بچي رهيا آهن. قدرتي آفتن، برساتن ۽ ٻوڏ جي صورتحال ۾ بي گهر ماڻهن لاءِ خشڪ راشن، مفت طبي ڪئمپون، خيما ۽ گهر ٺاهي هزارين ضرورتمندن جي مدد ڪئي، روزگار پروگرام تحت ننڍڙن واپارين کي بنا سود جا قرض ڏنا ويندا آهن پروگرام ۾ شهرين وڏي انگ ۾ شرڪت ڪئي ۽ يتيم ٻارن جي سار سنڀال، اسپتالن ۽ سماجي خدمتن جي لاءِ01 ڪروڙ25 لک روپين کان وڌيڪ عطيو ڏيڻ جو واعدو ڪيو، جنهن ۾ اڳ ۾ ئي اسپانسر ٿيل ٻارن جي بحاليءَ جو ڪم شامل ڪيو ويو. هن پروگرام ۾ خاص مهمان الخدمت فائونڊيشن پاڪستان جي نائب صدر عبدالشڪور انجنيئر عمر فاروق نائب صدر الخدمت فائونڊيشن سنڌ ريجن، ردا زهرا ٽالپر اسسٽنٽ ڪمشنر خانڳڙهه، پروفيسر محمد دين راڄڙي، ساجد علي دايو صدر الخدمت فائونڊيشن ضلعي گهوٽڪي، محمد ذيشان نائب صدر الخدمت فائونڊيشن ضلعي گهوٽڪي, مفتي محمد يوسف مزاري امير جماعت اسلامي ضلع گهوٽڪي، تشڪیل احمد صديقي نائب امير جماعت اسلامي ضلعي گهوٽڪي شرڪت ڪئي ۽ شريڪ ٿيل مھمانن لاءِ ڊنر جو پڻ خاص انتظام ڪيو ويو ۽ اداري جي ڪاميابي لاءِ خصوصي دعا سان پڄاڻي ڪئي وئي.