ٺٽي سميت لاڙ جي سمورن ضلعن ۾ يوريا ڀاڻ جي کوٽ برقرار، آبادگار پريشان

ٺٽي سميت لاڙ جي سمورن ضلعن ۾ يوريا ڀاڻ جي کوٽ برقرار، آبادگار پريشان

ٺٽو( ڊر) ٺٽي سميت لاڙ جي سمورن ضلعن ۾ يوريا ڀاڻ جي کوٽ سنگين صورت اختيار ڪري ورتي بليڪ تي يوريا ڀاڻ جي وڪري سبب آبادگار سخت پريشان ٿيڻ لڳا، انتظاميہ ڪوبہ نوٽيس نہ ورتو، ٺٽو، سجاول، بدين ۽ ٽنڊو محمد خان وارن ضلعن ۾ ڪڻڪ جي پوکي ٿيندي ئي مارڪيٽ مان يوريا ڀاڻ جو هٿرادو بحران پيدا ڪري آبادگارن کي نقصان طرف ڌڪڻ شروع ڪري ڇڏيو، يوريا ڀاڻ جي سرڪاري ريٽ 35 سئو روپيه هجڻ باوجود واپاري بليڪ ڪري 6 هزار روپيه في ٻوري وڪرو ڪرڻ لڳا، ڊي اي پي ڀاڻ پڻ 3 کان 5 هزار روپيه في ٻوري وڌيڪ وڪرو ٿيڻ لڳي، ان سلسلي ۾ مقامي ابادگارن ۽ زميندارن دانھيندي چيو اھي تہ ايف ايف سي توڙي سرسبز ۽ ٻين فرٽيلائيزر ڪمپنين پاران تيار ٿيندڙ يوريا ڀاڻ ۽ ڊي اي پي ڀاڻ بليڪ ڪري مخصوص گدامن کان 50 سيڪڙو مهانگي اگھ تي وڪرو ٿيڻ ڪري آبادگارن کي ٻئي هٿ مٿي تي اچي ويا آھن، جنھن جو ازالو ٿي ناھي سگھيو، ھنن چيو تہ ٺٽي، سجاول، بدين ۽ ٽنڊو محمد خان ضلعن ۾ ڪڻڪ ڪمند ٽماٽي سميت سمورا فصل سخت متاثر ٿيڻ لڳا آھن، ھٿ وٺي ڊيلرن ۽ ڀاڻ جي واپارين پاران ڀاڻ جو بحران پيدا ڪري بليڪ تي وڪرو جاري ڪري ڀاڻ بليڪ ڪري وياج جي ڪاروبار کي هٿي ڏياري پئي وڃي، جنھن جو فوري طور نوٽيس ورتو وڃي، ٻئي طرف ڀاڻ جي واپاري سريش ڪمار ۽ ٻين جو چوڻ ھو تہ ڀاڻ جو بحران فرٽيلائيزر ڪمپنين مان گئس جي گهٽ فراهمي سبب گهٽ مقدار ۾ تياري ٿيڻ آھي ۽ وڏا ڊيلر پڻ ڀاڻ جي کوٽ ۽ بليڪ مارڪيٽنگ جا ذميوار آھن، اسان مهانگي اگھ تي ڀاڻ خريد ڪرڻ سبب مهانگي ريٽ تي وڪرو ڪرڻ تي مجبور آھيون، حڪومتي رِٽ نه رهي آھي، اسانکي سستي اگھ تي ڀاڻ مليو تہ ضرور سستي اگھ تي بہ وڪرو ڪنداسين.