سنڌ جي ثقافتي ڏھاڙي تي قديم ماڳ موھن جو دڙو تي ماڻھن جي آمد

سنڌ جي ثقافتي ڏھاڙي تي قديم ماڳ موھن جو دڙو تي ماڻھن جي آمد

موهن جو دڙو(معشوق مشوري)سڄي سنڌ جيان ثقافتي ڏهاڙي تي سنڌ جي عظيم ماڳ موهن جو دڙو تي سنڌ جا هزارين عاشق پهچي عظيم تهذيب کي ڀيٽا پيش ڪئي ۽ قومي گيتن تي رقص ڪري جهمريون هنيون،هرطرف اجرڪ جي ڦلڙين ۽ ٽوپين جي ڪاون جا تجلا نظر آيا جڏھن ته سڄي سنڌ جيان ثقافتي ڏهاڙي جي موقعي تي موهن جو دڙو ۾ به عوام ڀرپور موٽ ڏني ۽ ثقافتي ڏهاڙو وڏي جوش ۽ جذبي سان ملهايو ويو ۽ هر طرف ثقافت جا رنگ نظر آيا، 100 کان وڌيڪ ريليون ڪڍيون ويون ۽ قومي گيتن تي جهمريون هنيون ويون،جڏھن ته سنڌ جي مختلف شهرن لاڙڪاڻي، دادو، خيرپور، ڪراچي ڪشمور ۽ ٻين شهرن مان سنڌ جا هزارين عاشق وڏي تعداد ۾ موهن جي دڙي تي پهتا،جڏھن ته آيل ماڻهن ۾ عورتون مرد ۽ ٻارڙا شامل هيا جڏھن ته ريلي ۾ شرڪت ڪندڙ ماڻهن جي ڪلهن تي اجرڪ اوڍيل ۽ ٽوپيون پاتل هيون ريلي ۾ ٻارڙن به وڏي انگ ۾ شرڪت ڪئي جن کي ثقافتي ويس وڳا پهريل هئا،قومي گيتن تي رقص ڪيو ويو،جيئي سنڌ جيئي سنڌ وارا، جيئن سنڌي ٽوپي اجرڪ وارا، جيئن سهڻا دنيا ۾ ٻيا به هزار سنڌي ماڻهو پڌرا لکن ۾ جا گيت گونجندا رهيا ان موقعي تي آيل ماڻھن ميڊيا سان ڳالهائيندي چيو ته سنڌي ميڊيا جس لهڻي جنهن سڄي قوم کي ثقافت جي رنگ ۾ رنگي ڇڏيو آهي.هنن وڌيڪ چيو ته اسان خوش نصيب آهيون جو هزارين سالن جي تهذيب ۽ ثقافت جا وارث آهيون جنهن جو مثال موهن جو دڙو آهي هنن چيو ته اسان کي پنهنجي ثقافت تي ناز آهي هتي اچي ڪري تمام گهڻو مزو آيو آهي اسان پنهنجي تهذيبي ۽ ثقافتي اهڃاڻ موهن جو دڙو کي سلامي پيش ڪرڻ لاءِ هتي آيا آهيون هوڏانهن موهن جو دڙو تي مقرر انجنئر علي حيدر گاڏھي ميڊيا سان ڳالهائيندي چيو آھي ته اسان ثقافت جي ڏينهن امڪاني لتاڙ کان بچاء لاء آثار بند ڪيا آھن هن چيو ته ثقافت ڏھاڙو اسان جوش ۽ جزبي سان ملهائي رهيا آھيون هن چيو ته ثقافت واري ڏينهن اسان عيد وانگر هي ڏينهن ڪري ملهائيندا آھيون.