نوشھروفيروز جي ننڍن وڏن شھرن ۽ ڳوٺن ۾ ثقافتي ڏھاڙي جي حوالي سان ريليون ڪڍيون ويون

نوشھروفيروز جي ننڍن وڏن شھرن ۽ ڳوٺن ۾ ثقافتي ڏھاڙي جي حوالي سان ريليون ڪڍيون ويون

نوشهروفيروز(ڊ ر) پريس ڪلب نوشهروفيروز اڳيان سڄو ڏينهن نوشهروفيروز ۽ ان جي آس پاس جي ننڍن وڏن شهرن ڳوٺن مان سوين رهواسين ثقافت جي ڏينهن کي ڀرپور موٽ ڏني ۽ سڄو شھر ثقافتي رنگن سان رنڱجي ويو، ھر طرف ننڍا توڙي وڏا ،پڪا توڙي پوڙها سنڌي ثقافتي ويس پهري مٿي تي ٽوپيون پٽڪا ٻڌي ڪلهن ۾ اجرڪ وجهي سڄو ڏينھن ثقافتي رنگ وکيريندا رھيا، جڏهن ته مک تقريب پريس ڪلب نوشهروفيروز آڏو ٿي جنھن ۾ وڏي انگ ۾ ماڻھن شرڪت ڪئي. تقريب ۾ ناميارن فنڪارن صئمان منظور، ضامن حيدر، صداقت وسطڙو ، شهباز زرداري ۽ ٻين سرن ۽ سازن سان ماڻھن کي جھومائي ڇڏيوجڏهن ته شرڪت ڪندڙن ڌرتي جي گيتن تي جهمريون پائي نچندا رهيا ۽ محفل سڄو ڏينھن جاري رھي. جڏهن ته مزاحيا فنڪارن آيل ماڻهن کي خوب کلايو ثقافتي ميڙ ۾ مختلف ڳوٺن مان پاڻ مرادو ثقافتي ريليون نڪتيون جيڪي مک تقريب پريس ڪلب وٽ پھچي ختم ٿيون جڏهن ته جسقم جي ريلي فيصل مستوئي اياز راڄپر اسد عمراڻي جي اڳواڻي ۾ نڪتي سنڌ ترقي پسنڌ پارٽي جي ريلي اقبال راڄپر جي اڳواڻي ۾ ڪڍ ي وئي ايس يو پي جي ريلي آصف حسيني مهر وسطڙو ۽ ٻين جي اڳواڻي ۾ ڪڍي وئي جڏهن ته سماجي اڳواڻ سگا شاخ نوشهروفيروز پاران اعظم عالماڻي، جي اڳواڻي ۾ ثقافتي ريلي ڪڍي وئي. عوامي تحريڪ پاران ستار عمراڻي جي اڳواڻي ۾ ريلي ڪڍي وئي. ريلين ۾ شامل ماڻھو گيتن تي جهمريون ھڻي رقص ڪري رھيا ھئا. انھن جو چوڻ ھو ته کين سنڌ ڌرتي سان محبت آھي جنھن ڪري ايڪتا ڏھاڙو وڏي جوش ۽ جذبي سان ملھائي رھيا آھن. جڏهن ته ٻئي پاسي ،سنڌي ادبي سنگت، سنڌ ترقي پسنڌ پارٽي ،جسقم ،قومي عوامي تحريڪ ۽ ٻين پاران الڳ الڳ ريليون ڪڍي پريس ڪلب پهتا جتي ثقافتي ڏهاڙي کي ڀرپور ملهايو ويو جيڪو سلسلو شام تائين جاري رهيو۽ آخر ۾ سمور فنڪارن آيل سنڌ جي رهواسين نوشهروفيروز پريس ڪلب جي صحافين هوجمالي تي گڏيل رڪس ڪيو