سنڌ جي ٻين شھرن ۾ شڪارپور ۾ ثقافتي ڏھاڙي جو جشن، ھر طرف ثقافتي رنگ نروار

سنڌ جي ٻين شھرن ۾ شڪارپور ۾ ثقافتي ڏھاڙي جو جشن، ھر طرف ثقافتي رنگ نروار

شڪارپور(احسان ابڙو )3 ڊسمبر ثقافتي ڏھاڙي جي حوالي سان سڄي سنڌ سميت شڪارپور واسي به جهومي پيا اجرڪ جي وڻندڙ رنگن ۽ ٽوپين جي چمڪيلي ڪاون سان ڌرتي ڌڻي سينگارجي ويا، ثقافتي سونهن ٻارڙن ٻڍڙن توڙي نوجوانن جي چپن تي مسڪراهٽون آڻي ڇڏيون سنڌي گيتن تي جهمريون لڳنديون رھيون ۽ انھن مٿان گلن جا ورکائون ٿينديون رهيون ثقافتي ڏهاڙي جي مناسبت سان شڪارپور جي شعور جنون، جيئي سنڌ محاذ، پيرا ميڊيڪل اسٽاف، فنڪار آرٽسٽ ايسوسيئشن، نوجوان اتحاد تحريڪ، آپڪا، گليڪسي اسڪول ۽ ٻين تنظيمن پاران اجرڪ ڪلهن تي اوڍي مختلف جڳهن کان ثقافتي ريليون ڪڍيون ويون جن شڪارپور جي جماڻي حال تي اچي هو جمالو تي جمهريون پاتيون جماڻي حال تي پريس ڪلب اڳيان منعقد ڪيل مک تقريب ۾ هزارن جي تعداد ۾ شڪارپور واسين شرڪت ڪئي، ان موقعي تي سلطان رند ، جاويد راهوجو ، عمران منگي، اسد سومرو، احسان جيھو, ھمير چانڊيو، راشد لاشاري، فياض لاشاري، ظفر کوکر، راحيل جھلڻ، فھد شھزاد سولنگي، عبدالرحمان شر، سھراب لاشاري، سميع االله دايو، اصغر شيخ ، ديدار بلوچ ۽ ٻين ڳالھائيندي چيو ته اڄ 3 ڊسمبر جو ڏينهن سنڌ جي ٽقافتي عيد جو ڏهاڙو آهي، ھنن چيو ته اسين علي قاضي جا ٿورائتا آھيون جنھن سنڌين کي گڏ ڪيو، ھنن چيو ته سنڌ جي ثقافت صدين کان آهي ۽ صدين تائين رهندي، ثقافتي ايڪتا جو ڏهاڙو ملهائي اسين پوري دنيا کي ميسيج ٿا ڏيون ته اسين سنڌين کي پنهنجي ثقافت سان پيار آهي سنڌ ڌرتي امن جي ڌرتي آھي ۽ اسين سڀ گڏ آھيون ھنن وڌيڪ چيو ته سنڌ جي مجموعي مسئلن جي حل لاءِ سنڌ واسي گڏ آھن