وڳڻ لڳ پرائمري اسڪول ۾ سھولتون اڻلڀ، ٻارڙا پٽ تي ويھي تعليم پرائڻ تي مجبور

وڳڻ لڳ پرائمري اسڪول ۾ سھولتون اڻلڀ، ٻارڙا پٽ تي ويھي تعليم پرائڻ تي مجبور

وڳڻ (رپورٽر) وڳڻ لڳ پرائمري اسڪول سھولتن کان وانجھيل آھي ڳوٺ لعل بخش شيخ جي گورنمينٽ پرائمري اسڪول ۾ فرنيچر سميت ٻيون سھولتون نه ھُجڻ ڪري معصوم ٻارڙا سخت سردي ۾ پٽ تي ويھي پڙھڻ لڳا آھن جڏھن ته بلڊنگ جي زبون حالي سبب ڇت مان سيمينٽ جا چاپڙ پڻ ڪرڻ لڳا آھن جنھن سان ٻارڙا خوف واري صورتحال ۾ پڙھي رھيا آھن اسڪول جي چوديواري پڻ ڊھي پٽ پئجي وئي آھي ڳوٺاڻن توڙي استادن جي شڪايتن باوجود اسڪول کي گُھربل سھولتون نه ملي سگھيون استاد پاران سھولتن جي اڻھُوند بابت وڊيو سوشل ميڊيا تي وائرل ڪري ڇڏيو ڳوٺاڻن ۽ استادن زبير علي اڪبر تنيو محمد يوسف شيخ نبن شيخ محمد پنھل چانڊيو جو چوڻ ھو ته ڳوٺ جي پرائمري اسڪول ۾ ڪا به سھولت ناھي ٻارڙن جي ويھڻ لاء فرنيچر ناھي جنھن ڪري ٻارڙي ٿڌ ۾ پٽ تي ويھي پڙھن ٿا اسڪول جي بلڊنگ جي ڀتين ۾ ڏار پئجي ويا آھن ڇت مان سيمينٽ جا چاپڙ ڪرڻ ڪري ٻارڙن کي کليل ميدان تي ويھاريو وڃي ٿو جنھن سان ٻارڙن جي پڙھائي سخت متاثر ٿي رھي آھي چوديواري گذريل سال جي برساتن ۾ ڊھي پٽ پئجي وئي جنھن ڪري رولو جانورن اسڪول اندر اچڻ لڳا آھن اسڪول ۾ ٻارڙن لاء باٿ رومن جي پڻ سھولت ناھي اھڙيون شڪايتون تعليم کاتي جي آفيسرن کي لکت توڙي روبرو ڪري چڪا آھيون پر ھن وقت تائين شڪايتن جو ازالو نٿي سگھيو آھي ھُنن لاڳاپيل اختيارين کان مطالبو ڪيو ته پرائمري اسڪول کي گھربل سھولتون ڏئي معصوم شاگردن کي پريشاني کان بچايو وڃي.