ملير پوليس پاران ڦورو ٽولي کي گرفتار ڪرڻ جي دعويٰ

گرفتار جوابدارن ۾ وسيم گينگ جو سرگرم ميمبر آهي جيڪو معطل ٿيل پوليس اهلڪار آهي: ذريعا

ملير (رپورٽ: عبدالرشيد مورجھريو)ملير پوليس بن قاسم علائقي ۾ گودامن مان چوري ڪندڙ هڪ خطرناڪ ٽولي کي گرفتار ڪيو آهي۔ پوليس کي ڳجهي اطلاع ملي ته چور ٽولو پورٽ قاسم ويجهو واقع گودام ۾ چوري جي رٿابندي ڪري رهيو آهي، جنهن تي فوري ڪارروائي ڪئي وئي۔ ڪارروائي دوران ٽولي ڇهن ميمبرن تي مشتمل کي گرفتار ڪيو ويو، جيڪي علائقي ۾ واردات لاءِ مشڪوڪ انداز ۾ گشت ڪري رهيا هئا۔ گرفتار ٿيل جوابدارن ۾ احمد علي، ياسر عمر فاروق، واحد، محمد عطا، محمد وسيم ۽ گل ياسين شامل آهن۔ملزمان جي قبضن مان 30 بور پسٽل، موبائل فونز ۽ سوزوڪي آلٽو ڪار برآمد ڪئي وئي۔ ابتدائي تفتیش ۾ معلوم ٿيو آهي ته ملزمان گودامن جي باقاعده رڪي ڪري وارداتون ڪندا هئا ۽ دورانِ واردات گودام جي چوکيدار کي هٿيارن جي زور تي يرغمال بڻائي لٽ مار ڪندا هئا۔اهم انڪشاف اهو ٿيو آهي ته گرفتار جوابدارن ۾ محمد وسيم ضلع ڪورنگي جو پوليس اهلڪار هو، جيڪو گينگ جو سرگرم رڪن هو۔ پوليس اهلڪار محمد وسيم کي هڪ مهينو اڳ نوڪري مان برطرف ڪيو ويو هو۔ضلعي ملير پوليس جو چوڻ آهي ته گرفتار جوابدارن خلاف مختلف ٿانن ۾ اڳ ۾ ئي سنگين نوعيت جا ڪيس داخل آهن وڌيڪ جاچ لاءِ نئون ڪيس درج ڪري ڪارروائي جاري آهي۔