سنڌ جو عوام ايندڙ اليڪشن ۾ ڪرپٽ مافيا کي دفن ڪري ڇڏيندو: اياز لطيف پليجو

views | 07th Dec 2023 • سنڌي خبرون

سنڌ جو عوام ايندڙ اليڪشن ۾ ڪرپٽ مافيا کي دفن ڪري ڇڏيندو: اياز لطيف پليجو

سنڌ جو عوام ايندڙ اليڪشن ۾ ڪرپٽ مافيا کي دفن ڪري ڇڏيندو: اياز لطيف پليجو

حيدرآباد(بيورو) قومي عوامي تحريڪ جي سربراھ اياز لطيف پليجي چيو آهي تہ سنڌ جو عوام ايندڙ اليڪشن ۾ ڪرپٽ مافيا کي دفن ڪري ڇڏيندو. سنڌ مال غنيمت ناھي. م زمينن جي نيلامي بند ڪئي وڃي. پ پ جي ڪرپٽ وزيرن جا فرنٽ مين مافيا بنجي زرعي ڀاڻ، ٻج، دوائون، ڪڻڪ، کنڊ ۽ ٻيون شيون لڪائي ھٿرادو بحران پيدا ڪري اربين روپين جي لٽمار ڪن ٿا. اياز لطيف پليجي چيو تہ 2018 جي اليڪشن ۾ زرداري کي سنڌ پليٽ ۾ رکي ڏني وئي. پيپلز پارٽي جي 15 سالن جي حڪومت سنڌ کي ترقي ۾ پوئتي ڌڪي ڇڏيو آھي. زمينن ۽ وسيلن کي تين وال ڪيو ويو. اقتدار جي لالچ ۾ سنڌ جي وحدت کي داءُ تي لڳايو ويو. ڪرپشن جي دور جي پڄاڻي ٿي آھي. ايندڙ اليڪشن ۾ ڪرپٽ ماڻھو ناڪام ٿي ويندا. اياز لطيف پليجي چيو تہ لکين نوجوان بيروزگار آھن. سنڌ ۾ ڪا نئين انڊسٽري نہ لڳي آھي. ڌاڙيل راڄ جي ڪري ماڻھو محفوظ ناھن. شھر ۽ ٻھراڙيون ھٿ وٺي منشيات جو ڍير بنايا ويا آھن.اياز لطيف پليجي چيو تہ سنڌ کي پنھنجي حصي جو پاڻي نٿو ڏنو وڃي، جنھنڪري درياھ جو سمنڊ ۾ ڇوڙ نه ٿي رھيو آھي. اياز لطيف پليجي چيو تہ ايندڙ حڪومت لاءِ تعليم، صحت، زراعت جي بحالي، بيروزگاري وڏا چئلينج آھن.