مٺي ۾ کتري برادري مندر مسمار ٿيڻ خلاف روڊن تي نڪري آئي، احتجاجي ريلي

مٺي ۾ کتري برادري مندر مسمار ٿيڻ خلاف روڊن تي نڪري آئي، احتجاجي ريلي

مٺي (رپورٽر) مٺي ۾ کتري برادري مندر مسمار ٿيڻ خلاف روڊن تي نڪري آئي، مندر مسمار ڪرائيندڙ هريش لوهاڻو خلاف سخت نعريبازي احتجاجي تحريڪ جو اعلان، سياسي سماجي ڌريون خاموش تماشائي تفصيل موجب مٺي ۾ کتري برادري پاران ٺھرايل هنگلاج ماتا جو مندر مٺي شھر جي رهواسي وڪيل هريش ڪمار لوهاڻو پاران اينٽي انڪروچمينٽ مان فيصلو وٺي اچي ڊھرائڻ خلاف مٺي جي کتري برادري سميت مختلف بردارين جي ماڻھن پاران پريس ڪلب اڳيان احتجاجي مظاهرو ڪيو ۽ ڪشمير چوڪ تي ڌرڻو هنيو انهي موقعي تي ڳالهائيندي جڳديش کتري، واسديو ، دسرت شرما ۽ ٻين چيو ته هريش لوهاڻو ڏاڍ جي زور تي مندر ڊھرايو آھي جڏھن ته کتري برادري جو پلاٽ ڪيترن ئي سالن کان آھي پر هريش ڪمار پنهنجي بنگلن جي نظاري خاطر اتي ڪا اڏوات نٿو ڪرڻ ڏي ۽ انا تحت ان مندر ڊھرائي ڇڏيو آھي هنن چيو ته کتري برادري سان ظلم ٿيو آھي آرمي چيف ، چيف جسٽس آف پاڪستان سميت انساني حقن جو تنظيمون ۽ ادارا نوٽيس وٺي کتري برادري سان انصاف ڪن ۽ تحفظ فراهم ڪن ۽ ٿر جر پرامن ماحول کي خراب ڪندڙ هريش لوهاڻو خلاف ڪاروائي ڪئي وڃي.ٻئي طرف ٿرپارڪر سان لاڳاپيل سياسي سماجي ڌرين کي نانگ سنگهي ويو ۽ ھو سامهون بااثر شخص هجڻ ڪري چپ جو روزو رکي ويٺل آھن اهي اڳواڻ به گم ٿيل آھن جيڪي هر اشو ۾ مذھب ۽ اقليت جو استعمال ڪري پنهنجا مفاد حاصل ڪندا آھن جڏھن ته شاعري ڪندڙ شاعر ۽ ليکڪ به خوف مان خاموش بڻيل آھن.